16 تامىز كۇنى قوستاناي وبلىسىنان كەلگەن تۋريست جاپونيا پاۆيلونىنا 500 000-ىنشى ادام بوپ كەلگەن. ول ءوز سوزىندە وسى كورمەگە كەلگەنى ءۇشىن ءوزىن باقىتتى سەزىنەتىنىن، جاپونيا پاۆيلونىندا كۇتپەگەن سىيلىققا تاپ بولعانىن جەتكىزدى. نۇرىم امانعارايەۆتىڭ ايتۋىنشا، جاپونيا – ەلى شىنىمەن دە تەحنولوگياسى دامىعان ءارى ءوزىنىڭ كورمەگە جاڭا يدەيالارىن ۇسىنا بىلگەن ساناۋلى ەلدەردىڭ ءبىرى. وعان جاپون پاۆيلونىندا «Smart Mix with Technology» تاقىرىبى نەگىزگە الىنا وتىرىپ، جاپونيا تەحنولوگيالىق كۇشىمەن بۇكىلالەمدىك پروبلەمالاردى شەشۋ ءۇشىن ءوز ۇلەسىن قوسۋ نيەتى قاتتى ۇناعان. ەگەر جولىم تۇسسە، 2025 جىلعى حالىقارالىق كورمە وتكىزىلۋ ورنىنا كانديدات وساكا قالاسىنا دا بارۋ ارمانى ەكەنىن جەتكىزدى. 2025 جىلى حالىقارالىق كورمە جاپونيا قالاسىندا ءوتۋى مۇمكىن دەپ بولجانۋدا. وسى كورمە اياسىندا وساكا قالاسى تۋريستەرگە جان-جاقتىلى تانىستىرىلىپ جاتىر.
جاپون پاۆيلونىنىڭ ديرەكتورى ششيباموتو حيدەكادزۋ جاپونيانىڭ تانىمال جوعارى تەحنولوگيالارى تۋرالى عانا ەمەس، جاپونداردىڭ قورشاعان ورتاعا دەگەن قامقورلىعى جانە تابيعاتى مەن مادەنيەتى جايىندا بارىنشا كوپتەگەن ادامدار بىلسە ەكەن دەگەن نيەتپەن، ءاربىر كورمەگە كەلۋشىلەردى ىلتيپاتپەن كۇتەتىندەرىن ايتتى.
استانا ەكسپو-2017 حالىقارالىق كورمەسى 2017 جىلى 10 ماۋسىم (سەنبى) مەن 10 قىركۇيەك (جەكسەنبى) ارالىعىندا استانادا وتەدى. 115 مەملەكەت پەن 22 حالىقارالىق ۇيىم «بولاشاق ەنەرگياسى» مەن مادەنيەتىن تانىستىراتىن ەكسپوزيسيالارىن ۇسىنىپ، وزدەرىنىڭ تاريحى مەن ءسالت-داستۇرىن دە كورسەتۋدە.
وزىندىك مادەنيەتىمەن ەرەكشەلەنەتىن جاپون ەلىنىڭ پاۆيلونى كورمەگە كەلۋشىلەردى ديزايندىك، ۇيىمداستىرۋشىلىق جانە تاقىرىپتى مەيلىنشە اشۋىمەن جۇرت ىقىلاسىنا بولەنىپ وتىر.
