Túrkiianyń Shanlyýrfa provintsiiasyndaǵy Siverek aýdanynda Ahmet Koiýndjý atyndaǵy kásiptik-tehnikalyq anatoliialyq ýchilishede qarýly shabýyl jasaldy. Aldyn ala málimetke sáikes tosyn oqiǵany osy oqý ornynyń burynǵy oqýshysy uiymdastyrǵan, dep habarlaidy Dalanews.kz.
14 sáýirde tańerteń myltyqpen qarýlanǵan kúdikti oqý ornynyń aýlasyna kirip, bei-bereket oq atqan. Keiin ǵimarat ishine ótip, oqýshylar men muǵalimderge baǵyttap atysty jalǵastyrǵan. Keibir oqýshylar terezeden sekirip qashýǵa tyrysqan. Qaýipsizdik kúshteri mektepti jedel evakýatsiialady.
Shanlyýrfa gýbernatory Hasan Shyldaktyń málimetinshe, oqiǵa saldarynan 16 adam zardap shekken. Olardyń arasynda 10 stýdent, 4 muǵalim, bir politsei jáne ashana qyzmetkeri bar. Qaza tapqandar joq.
Gýbernatordyń aitýynsha, kúdikti bul mektepte tek 9-synypta oqyǵan, keiin "ashyq orta mektep" baǵdarlamasyna aýystyrylǵan.
Bilik ókilderiniń málimetinshe, politsiia operatsiiasy bastalǵan kezde ol óz-ózine qol jumsaǵan.
