Saltanatty jıynǵa qatysqan Ońtústik Qazaqstan oblysynyń ákimi J.Túımebaev, densaýlyq saqtaý salasy mamandaryn kásibı merekelerimen quttyqtap, úzdik dárigerlerge páter men avtokólik kiltin tabystady.
Aımaq basshysy páter kiltin oblystyq klınıkalyq aýrýhanasynyń jansaqtaý bóliminiń meńgerýshisi Saı Vácheslavqa, al sý jańa Lada Granta avtokóliginiń kiltin Ordabasy aýdanynyń ortalyq balalar bóliminiń meńgerýshisi Aıgerim Imanovaǵa berdi.
Budan bólek, ákim densaýlyq salasynda talmaı eńbek etken dárigerlerdi «Oblysqa sińirgen eńbegi úshin» medalimen jáne oblys ákiminiń qurmet Gramotasy men Alǵys hatymen marapattady.
Merekelik sharada sonymen qosa, ózgede mereke ıelerine QR densaýlyq saqtaý mınıstrliginiń «Eńbek ardageri» medali, QR «Densaýlyq saqtaý isiniń úzdigi», QR «Densaýlyq saqtaý isine qosqan úlesi úshin», «Kásipodaqqa sińirgen eńbegi úshin» tósbelgilerimen nagradtalsa, birqatar azamattar Qazaqstan Respýblıkasy Densaýlyq mınıstrliginiń qurmet Gramotasy men Alǵys hatymen marapattaldy. Osylaısha, bul kúni 100-den astam medısına qyzmetkerleriniń eńbegi elenip, qýanyshqa bólendi.
Saltanatty jıynnyń sońy merekelik konserttik baǵdarlamamen jalǵasyn tapty.
Aıta keteıik, Ońtústikte 30 myńnan astam adam densaýlyq salasynda eńbek etse, onyń 7 myńnan astamy dárigerler, al 23 myńy orta býyndy qyzmetkerler bolyp keledi.
Eske salaıyq, elimizdegi aımaqtar arasynda birinshi bolyp Ońtústik Qazaqstan oblysynyń ortalyǵynda transplantasıa qolǵa alynǵan bolatyn. Dárigerlerimiz búginge 82 búırek jáne 8 baýyr almastyrý otalaryn jasady. Al osy jyly oblysymyzda tunǵysh ret «qaıtys bolǵan donordan» aǵza almastyrý júrgizilip, 2 búırek almastyrý otasy sátti júzege asty.
OQO ákiminiń baspasóz qyzmeti
