Janseiit Túimebaev: «Tsifrlandyrý Ońtústikte sátti iske asýda»
Elimizdiń saiasi, ekonomikalyq jáne qabyldanǵan baǵdarlamalyq qujattar aiasynda partiianyń atqarǵan jumysy qorytyndylanǵan keńeste onlain rejimde Ońtústik Qazaqstan oblysynyń ákimi Janseiit Túimebaev óńirdegi partiia tarapynan atqarylǵan jumystar jaiy men «Tsifrlyq Qazaqstan» memlekettik baǵdarlamasynyń oblysta iske asyrylý barysyn baiandady.
Onda ákim bilim salasynda balalardy mektepke deiingi uiymdarǵa kezekke qoiý jáne esepke alý, oryndaryn almasý protsesteri avtomattandyrylǵanyn aityp, mundai sheshim respýblikada birinshi ret iske asyrylǵanyn málim etti.
– «Tsifrlyq Qazaqstan» memlekettik baǵdarlamasyn iske asyrý bizdiń erekshe nazarymyzda. Bul baǵyt boiynsha oblysta júieli jumystar atqarylyp keledi. Tsifrlandyrý bilim salasynda da sátti engizilýde. Máselen, búginde balalardy bala baqshaǵa qabyldaý avtomattandyrylǵan. Qazirgi ýaqytta bul qyzmettiń túri boiynsha 98 172 ótinim kelip túsip, 30645 bala elektrondy ótinishter arqyly balabaqshalarǵa jiberildi. Bul júie Shymkenttegi 459 mektepke deiingi uiymdarda engizildi, ol 100 paiyzdy quraidy. Al jalpy orta bilim beretin memlekettik mektepterge 1-synypqa esepke alý protsesi avtomatttandyrylsa, bilim salasynda qol jetimdilik, qolailylyq jáne ashyqtyqty qamtamasyz etý maqsatynda kadr irikteý máselesi de tsifrlyq formatqa kóshirildi. Bul júie Shymkent qalasyndaǵy barlyq mektepterge endirildi. Búgingi tańda osy júie arqyly 2374 ótinim qabyldanyp, 1010 ashyq konkýrs ótkizildi. Nátijesinde 654 kanditat jumysqa ornalasty. Bul óz kezeginde sybailas jemqorlyq táýekelin 80 paiyzǵa joisa, kelispeýshilik boiynsha aryzdardy 92 paiyzǵa, sondai-aq, ashyq básekelestikti uiymdastyrý nátijesinde pedagogikalyq quramnyń sany artty, – dedi oblys ákimi.
Sonymen qatar Elbasyǵa densaýlyq saqtaý salasynda oblys aýmaǵyndaǵy 69 emhanada keshendi meditsinalyq aqparattyq júiesi engizilip, bul «dárigerdi úige shaqyrý», «dárigerdiń qabyldaýyna jazylý», «meditsinalyq uiymǵa tirkelý» syndy qyzmetterdi alýǵa múmkindik týǵyzǵany týraly baiandaldy.
Óz sózinde ákim oblys kólemindegi barlyq 15 aýdan ortalyǵy, 181 aýyl okrýgteri jáne 834 eldi mekenderdiń kartasy tsifrlyq formatqa kóshirilip, ondaǵy árbir qurylys nysany «Mekenjai tirkelimi» derekter qorymen sáikestendirilgenin aityp ótti. Atalǵan tsifrlyq karta negizinde búgingi tańda Shymkent qalasy boiynsha taza sý jetkizý toraptary tolyǵymen engizildi jáne tehnikalyq sharttardy berý úderisi avtomattandyryldy. Budan bólek tsifrlyq karta erekshe qorǵalatyn tabiǵi aimaqtar, sý qorǵaý beldeýleri, aýyl sharýashylyq maqsatyndaǵy jer ýchaskileri týraly aqparatty qamtidy.
Budan basqa ákim Saiasi keńestiń keńeitilgen otyrysynda Memleket basshysyna «Nur Otan» partiiasynyń jobasy aiasynda oblysta 26 IT-synyby ashylatynyn habarlady. Búginde Ońtústik Qazaqstan Memlekettik pedagogikalyq ýniversitetiniń bazasynda 6 IT-synyp ashyldy. Al jalpy 2020 jylǵa deiin 106 IT-synyp ashylyp, olardy 100 paiyz materialdyq tehnikalyq bazamen jabdyqtaý josparlanǵan. Budan bólek, óńirde «IT mamandaryn daiyndaý» partiialyq jobasyn júzege asyrý boiynsha jyl aiaǵyna deiin 2 – IT ortalyq ashý kózdelýde. Qazirgi tańda atalǵan joba sheńberinde IT-ortalyq M.Áýezov atyndaǵy Ońtústik Qazaqstan memlekettik ýniversitetiniń bazasynda ashylǵan.
