"Adamdy bilimdi, ári rýhanı baı etip tárbıeleýge baǵyttalǵan «TÁRBIE JÁNE BİLİM» KİSHİ BAǴDARLAMASY aıasynda ólkeniń tarıhyn keńinen taný, zertteý maqsatynda 5,6,7 synyptarǵa arnalǵan «Ólketaný» oqýlyǵyn baspadan shyǵarýǵa jergilikti búdjetten 153 mln. teńge qaralyp, 50 myń danamen shyǵarýǵa baspaǵa jiberildi. Baǵdarlamaǵa oraı, qasıetti jerlerdiń tizimin qalyptastyrýǵa usynystar ázirleıtin tarıhshylar, ǵalymdar, arheologtardan turatyn arnaıy óńirlik jumysshy toby qurylyp, oblysymyzdaǵy qasıetti, kıeli nysandardyń tizimi iriktelip, óńirlik karta jobasy daıyndaldy" - dedi óńir basshysy.
Q.A.Iassaýı atyndaǵy Halyqaralyq qazaq-túrik ýnıversıtetinde «Qazaqstannyń kıeli jerleri» taqyrybynda ótken dóńgelek ústelde ákim, sondaı-aq, oblys tarapynan «Qasıetti Qazaqstan» respýblıkalyq ortalyǵyna 104 nysan usynylyp, onyń ishinen 26 nysan respýblıkalyq tizimge engizilgenin jetkizdi. Sonymen qatar, «QAZAQSTANNYŃ KIELİ JERLERİ» arnaıy jobasy aıasynda atqarylyp jatqan isterge toqtalyp, jalpy baǵdarlamalyq maqalanyń barlyq mindetteri boıynsha oblysymyzda atqarylǵan isterdi aıtyp ótti.
Munan bólek, júzdesýde «Otandastar qory» KEAQ Prezıdenti Nurtaı Ábiqaev, «Dúnıejúzi qazaqtarynyń qaýymdastyǵy» RQB Tóraǵasynyń birinshi orynbasary Zaýytbek Turysbekov, Q.A.Iasaýı atyndaǵy HQTÝ rektory Bolatbek Abdrasılov, QR Ulttyq mýzeıiniń «Qasıetti Qazaqstan" ortalyǵy basshysynyń orynbasary Batyrhan Jumabaev, Memlekettik tildi damytý qorynyń dırektory Azat Shaýeevtar jáne shet eldik dıaspora ókildiri sóz sóılep, búgingi sharanyń mańyzdylyǵyna toqtaldy.
