Janseiit Túimebaev eń úzdik mediatorymen kezdesti
Sondai-aq, 2017 jyldyń jeltoqsan aiynda Astana qalasynda ótken baiqaýda úzdik dep tanylǵan oblystyq mediatsiia ókildiginiń aldaǵy jumys jospary talqylandy.
– Búginde búkil álem elderi daýlardy dabyraitpai sheshýdiń amaly retinde mediatsiia júiesi qoldanylyp keledi. 2011 jyldyń 28 qańtarynda elimizde «Mediatsiia» týraly Zań qabyldandy. Mine, sodan beri atalǵan zańǵa sáikes Qazaqstanda daýlardy bitimgershilikpen sheshýdiń jańa túri engizildi. Bul úrdis óziniń tiimdiligin kórsetip keledi. Onyń ústine ońtústikqazaqstandyq mediatsiia ókildigi elimizde úzdik atanyp otyr. Sondyqtan aldaǵy jyldary da aianbai eńbek ete berýlerińizge tilektespin, – dedi Janseiit Túimebaev.
Búgingi tańda «Mediatsiiany damytý ortalyǵy» respýblikalyq qoǵamdyq birlestigi mediatsiia institýtynyń jumysyn jandandyryp keledi. Qazirgi tańda elemizde 700-den astam kásibi mediator jumys isteidi.
Al, «Mediatsiiany damytý ortalyǵy» respýblikalyq qoǵamdyq birlestiginiń Ońtústik Qazaqstan oblystyq filialynda 26 kásibi mediator jumys isteidi. Mamandar bir jyl boiyna 5 myńnan astam isti qarap, ońtaily sheshilýine yqpal ete bilgen.
Kezdesý barysynda QR «Mediatsiiany damytý ortalyǵy» respýblikalyq qoǵamdyq birlestiginiń ókili óńir basshysy Janseiit Túimebaevqa birlestik tóraǵasynyń atynan Alǵys hat tabys etti.
Búginde elimizde sot sýdialarymen daýlardyń jekelegen sanattary boiynsha janjaldy mediatsiia tártibimen sotqa deiingi retteýdi engizý boiynsha pilottyq joba iske asyp otyr. Onyń negizinde sot protsesinde sýdialar aryzdanýshy men aiyptalýshy taraptardy mediatsiia tártibine júginýge shaqyrady.
OQO ákiminiń baspasóz qyzmeti
