سونداي-اق، 2017 جىلدىڭ جەلتوقسان ايىندا استانا قالاسىندا وتكەن بايقاۋدا ۇزدىك دەپ تانىلعان وبلىستىق مەدياسيا وكىلدىگىنىڭ الداعى جۇمىس جوسپارى تالقىلاندى.
– بۇگىندە بۇكىل الەم ەلدەرى داۋلاردى دابىرايتپاي شەشۋدىڭ امالى رەتىندە مەدياسيا جۇيەسى قولدانىلىپ كەلەدى. 2011 جىلدىڭ 28 قاڭتارىندا ەلىمىزدە «مەدياسيا» تۋرالى زاڭ قابىلداندى. مىنە، سودان بەرى اتالعان زاڭعا سايكەس قازاقستاندا داۋلاردى بىتىمگەرشىلىكپەن شەشۋدىڭ جاڭا ءتۇرى ەنگىزىلدى. بۇل ءۇردىس ءوزىنىڭ تيىمدىلىگىن كورسەتىپ كەلەدى. ونىڭ ۇستىنە وڭتۇستىكقازاقستاندىق مەدياسيا وكىلدىگى ەلىمىزدە ۇزدىك اتانىپ وتىر. سوندىقتان الداعى جىلدارى دا ايانباي ەڭبەك ەتە بەرۋلەرىڭىزگە تىلەكتەسپىن، – دەدى جانسەيىت تۇيمەبايەۆ.
بۇگىنگى تاڭدا «مەدياسيانى دامىتۋ ورتالىعى» رەسپۋبليكالىق قوعامدىق بىرلەستىگى مەدياسيا ينستيتۋتىنىڭ جۇمىسىن جانداندىرىپ كەلەدى. قازىرگى تاڭدا ەلەمىزدە 700-دەن استام كاسىبي مەدياتور جۇمىس ىستەيدى.
ال، «مەدياسيانى دامىتۋ ورتالىعى» رەسپۋبليكالىق قوعامدىق بىرلەستىگىنىڭ وڭتۇستىك قازاقستان وبلىستىق فيليالىندا 26 كاسىبي مەدياتور جۇمىس ىستەيدى. ماماندار ءبىر جىل بويىنا 5 مىڭنان استام ءىستى قاراپ، وڭتايلى شەشىلۋىنە ىقپال ەتە بىلگەن.
كەزدەسۋ بارىسىندا ق ر «مەدياسيانى دامىتۋ ورتالىعى» رەسپۋبليكالىق قوعامدىق بىرلەستىگىنىڭ وكىلى ءوڭىر باسشىسى جانسەيىت تۇيمەبايەۆقا بىرلەستىك ءتوراعاسىنىڭ اتىنان العىس حات تابىس ەتتى.
بۇگىندە ەلىمىزدە سوت سۋديالارىمەن داۋلاردىڭ جەكەلەگەن ساناتتارى بويىنشا جانجالدى مەدياسيا تارتىبىمەن سوتقا دەيىنگى رەتتەۋدى ەنگىزۋ بويىنشا پيلوتتىق جوبا ىسكە اسىپ وتىر. ونىڭ نەگىزىندە سوت پروسەسىندە سۋديالار ارىزدانۋشى مەن ايىپتالۋشى تاراپتاردى مەدياسيا تارتىبىنە جۇگىنۋگە شاقىرادى.
وقو اكىمىنىڭ باسپا ءسوز قىزمەتى
