Túrkistan oblysynyń ákimi Janseiit Túimebaev Qazaqstandaǵy isker áielder qaýymdastyǵynyń prezidenti Raýshan Sársembaeva men qaýymdastyqtyń Túrkistan oblysy men Shymkent qalasyndaǵy ókildikteriniń jetekshi hanymdary Quralai Bekenova, Inara Namazbaeva, Elmira Sozaqbaeva syndy birqatar isker áielder qaýymymen kezdesip, kásipkerlikke qatysty mańyzdy máselelerdi sóz etti.
Atap aitar bolsaq isker áielder qaýymdastyǵynyń tóraiymdarymen bolǵan basqosýda jańa Túrkistannyń bolashaqtaǵy keskin, kelbeti, aldaǵy josparlary týraly keńinen sóz boldy.
Názik jandylar qaýymy osynaý jaýapty da tarihi sátterde bas bola bilgen óńir basshysyn jan-jaqty qoldaityndaryn, tipti ony odan ári kórkeitýge óz úlesterin qosýǵa ázir ekendikterin jetkizdi. Barsha isker áielder qaýymynyń atynan sóz alǵan Raýshan Birgebaiqyzy Túrkistan oblysynyń ákimdigimen birge birlesken jobalar jasaýǵa usynys aita kelgen eken.
Atap aitqanda, isker hanym búkil túrki tildes halyqtardyń ata jurty - Túrkistandaǵy qyzmet kórsetý sapasyn halyqaralyq talaptarǵa sai etip uiymdastyrýǵa atsalysqysy keledi.
Týrister kóp keletin ortalyqtaǵy servis máselesin arnaiy mamandarmen oqytý arqyly damytyp, sheshýdi maqsat tutqan názik jandylar, sonymen birge, kádesyi jasaý ortalyqtaryn da kóptep ashyp, jumysty jolǵa qoiýdy maqsat etip otyrǵanyn tilge tiek etti.
Óńirimizde bul salada talantty azamattardyń jetkilikti ekenin alǵa tartqan R.Sársembaeva olardyń basyn qosyp, oqytyp, uiymdastyrýda qaýymdastyq kúshine senimdi ekenin aityp ótti.
Áielder qaýymdastyǵynyń túrli salalarda tájiribege bai ekenin aitqan isker hanym Túrkistan shaharynyń syrtqy kelbetine de otbasy, oshaq qasynyń uiytqysy bola bilgen áielder qaýymynyń - názik jandylardyń qýaty men kúshin jumsaýǵa niettengeni artyqtyq etpeitinin bildirdi.
Óz kezeginde osynaý jiynǵa qatysýshy qyz-kelinshekter qaýymynyń usynys-tilekterin muqiiat tyńdaǵan oblys ákimi J.Túimebaev atalǵan jobalardy birlese ázirleýge daiyn ekenin alǵa tartyp, aldaǵy ýaqytta túrli jumystardy birige atqarýda qoldaitynyn jetkizdi.
