Janqosh Turarovtyń áıeli Klara Isa aıyptaýlarǵa qatysty alǵash ret málimdeme jasady, - dep habarlaıdy Dalanews.kz.

"Habarlasqanda telefon alýǵa shamasy kelmeı, ýaqyt tappaı júrgen "qurby-tanystyń" bári túnnen beri habarlasyp, jaǵdaıymdy surady ǵoı. Bári durys, ýaıymdamańyzdar. El aldynda júrgen adamdar týraly ne aıtylmaı jatyr?", - deıdi Klara Isa. 

Eske salaıyq, buǵan deıin qazaqstandyq kásipqoı boksshy Janqosh Turarov qyz zorlady degen aqparat taraǵan bolatyn. Aqparat "Pısma prezıdentý" telegram arnasynda tarady. 

Oqıǵa 19 tamyz kúni túngi on birler shamasynda bolǵan. Almaty qalasy Áýezov aýdanynyń polısıa basqarmasyna turǵyn úılerdiń birinde zorlyq jasalǵany týraly habar túsken.

28 jastaǵy jábirlenýshi tanymal kásipqoı boksshy Janqosh Turarovtyń ústinen aryzdanǵan. 33 jastaǵy sportshyny ustaý úshin tıisti sharalar qabyldanyp jatyr, delingen jelidegi aqparatta.

Almatynyń Polısıa departamenti bul derekke qatysty pikir bildirdi. 

Kelip túsken aryzǵa baılanysty Áýezov aýdandyq polısıa Basqarmasy qylmystyq is qozǵalǵan. Sot-medısınalyq saraptama taǵaıyndaldy.

"Qazir oqıǵanyń tolyq mán-jaıyn anyqtaý úshin tergeý júrip jatyr", - delingen polısıa habarlamasynda. 

Aıta keteıik, Janqosh Jasulanuly Turarov 1990 jyly 20 qarashada Jambyl oblysynda týǵan. Kásipqoı boksshy. 2023 jyly naýryzda IBO nusqasy boıynsha birinshi jartylaı orta salmaqtaǵy álem chempıony atandy.

Jubaıy Klara Isamen úsh qyz tárbıelep otyr.