جانقوش تۇراروۆتىڭ ايەلى كلارا يسا ايىپتاۋلارعا قاتىستى العاش رەت مالىمدەمە جاسادى، - دەپ حابارلايدى Dalanews.kz.
"حابارلاسقاندا تەلەفون الۋعا شاماسى كەلمەي، ۋاقىت تاپپاي جۇرگەن "قۇربى-تانىستىڭ" ءبارى تۇننەن بەرى حابارلاسىپ، جاعدايىمدى سۇرادى عوي. ءبارى دۇرىس، ۋايىمداماڭىزدار. ەل الدىندا جۇرگەن ادامدار تۋرالى نە ايتىلماي جاتىر؟"، - دەيدى كلارا يسا.
ەسكە سالايىق، بۇعان دەيىن قازاقستاندىق كاسىپقوي بوكسشى جانقوش تۇراروۆ قىز زورلادى دەگەن اقپارات تاراعان بولاتىن. اقپارات "پيسما پرەزيدەنتۋ" تەلەگرام ارناسىندا تارادى.
وقيعا 19 تامىز كۇنى تۇنگى ون بىرلەر شاماسىندا بولعان. الماتى قالاسى اۋەزوۆ اۋدانىنىڭ پوليسيا باسقارماسىنا تۇرعىن ۇيلەردىڭ بىرىندە زورلىق جاسالعانى تۋرالى حابار تۇسكەن.
28 جاستاعى جابىرلەنۋشى تانىمال كاسىپقوي بوكسشى جانقوش تۇراروۆتىڭ ۇستىنەن ارىزدانعان. 33 جاستاعى سپورتشىنى ۇستاۋ ءۇشىن ءتيىستى شارالار قابىلدانىپ جاتىر، دەلىنگەن جەلىدەگى اقپاراتتا.
الماتىنىڭ پوليسيا دەپارتامەنتى بۇل دەرەككە قاتىستى پىكىر ءبىلدىردى.
كەلىپ تۇسكەن ارىزعا بايلانىستى اۋەزوۆ اۋداندىق پوليسيا باسقارماسى قىلمىستىق ءىس قوزعالعان. سوت-مەديسينالىق ساراپتاما تاعايىندالدى.
"ءقازىر وقيعانىڭ تولىق ءمان-جايىن انىقتاۋ ءۇشىن تەرگەۋ ءجۇرىپ جاتىر"، - دەلىنگەن پوليسيا حابارلاماسىندا.
ايتا كەتەيىك، جانقوش جاسۇلان ۇلى تۇراروۆ 1990 جىلى 20 قاراشادا جامبىل وبلىسىندا تۋعان. كاسىپقوي بوكسشى. 2023 جىلى ناۋرىزدا IBO نۇسقاسى بويىنشا ءبىرىنشى جارتىلاي ورتا سالماقتاعى الەم چەمپيونى اتاندى.
جۇبايى كلارا يسامەن ءۇش قىز تاربيەلەپ وتىر.
