Bokstan álem chempiony Janqosh Turarov tóńiregindegi janjalǵa qatysty tyń derek shyqty, - dep habarlaidy Dalanews.kz.
21 tamyzda Almatynyń Áýezov aýdany politsiia basqarmasyna 1996 jyly týǵan qyz "ózin zorlaǵanyn" aityp, aryz jazǵan edi. Keiin politsiia qylmystyq is qozǵaǵanyn rastady, al tanymal boksshy Janqosh Turarovtyń ózi taǵylǵan aiypty joqqa shyǵardy.
Aryzdyń túskenine eki ai ótse de, Janqosh Turarov bostandyqta júr.
2024 jylǵy 18 qazanda Tengri Sport tilshisi departamentke atyshýly iske qatysty resmi saýal joldady.
"Is júrgizý aiasynda sot-meditsinalyq jáne sot-biologiialyq saraptama júrgizildi, onyń qorytyndysy boiynsha zorlaý faktisi rastamaldy. 20 qazanda Qazaqstan Respýblikasy Qylmystyq is júrgizý kodeksiniń 35-baby 1-bóligi 2-tarmaǵy negizinde sotqa deiingi tergep-tekserýdi toqtatý týraly túpkilikti sheshim shyqty.
Áýezov aýdandyq prokýratýrasy bul sheshimmen kelisti", - dep jaýap berdi politsiia.
Aita keteiik, Janqosh Turarov kásipqoi ringte 2009 jyldan beri óner kórsetip keledi. Ol 28 jekpe-jek ótkizip, onyń 20-syn nokaýtpen jeńgen.
Eske salaiyq, buǵan deiin BAQ pen áleýmettik jelide tanymal qazaqstandyq boksshy Janqosh Turarov «qyz zorlady» degen aqparat tarap ketti. Keiin máselege Almaty politsiiasy pikir bildirip, Áýezov aýdanynyń Politsiia basqarmasy qylmystyq is qozǵaǵanyn málimdedi.
