بوكستان الەم چەمپيونى جانقوش تۇراروۆ توڭىرەگىندەگى جانجالعا قاتىستى تىڭ دەرەك شىقتى، - دەپ حابارلايدى Dalanews.kz.

21 تامىزدا الماتىنىڭ اۋەزوۆ اۋدانى پوليسيا باسقارماسىنا 1996 جىلى تۋعان قىز "ءوزىن زورلاعانىن" ايتىپ، ارىز جازعان ەدى. كەيىن پوليسيا قىلمىستىق ءىس قوزعاعانىن راستادى، ال تانىمال بوكسشى جانقوش تۇراروۆتىڭ ءوزى تاعىلعان ايىپتى جوققا شىعاردى.

ارىزدىڭ تۇسكەنىنە ەكى اي وتسە دە، جانقوش تۇراروۆ بوستاندىقتا ءجۇر.

2024 جىلعى 18 قازاندا Tengri Sport ءتىلشىسى دەپارتامەنتكە اتىشۋلى ىسكە قاتىستى رەسمي ساۋال جولدادى.

"ءىس جۇرگىزۋ اياسىندا سوت-مەديسينالىق جانە سوت-بيولوگيالىق ساراپتاما جۇرگىزىلدى، ونىڭ قورىتىندىسى بويىنشا زورلاۋ فاكتىسى راستامالدى. 20 قازاندا قازاقستان رەسپۋبليكاسى قىلمىستىق ءىس جۇرگىزۋ كودەكسىنىڭ 35-بابى 1-بولىگى 2-تارماعى نەگىزىندە سوتقا دەيىنگى تەرگەپ-تەكسەرۋدى توقتاتۋ تۋرالى تۇپكىلىكتى شەشىم شىقتى.

اۋەزوۆ اۋداندىق پروكۋراتۋراسى بۇل شەشىممەن كەلىستى"، - دەپ جاۋاپ بەردى پوليسيا.

ايتا كەتەيىك، جانقوش تۇراروۆ كاسىپقوي رينگتە 2009 جىلدان بەرى ونەر كورسەتىپ كەلەدى. ول 28 جەكپە-جەك وتكىزىپ، ونىڭ 20-سىن نوكاۋتپەن جەڭگەن. 

ەسكە سالايىق، بۇعان دەيىن ب ا ق پەن الەۋمەتتىك جەلىدە تانىمال قازاقستاندىق بوكسشى جانقوش تۇراروۆ «قىز زورلادى» دەگەن اقپارات تاراپ كەتتى. كەيىن ماسەلەگە الماتى پوليسياسى پىكىر ءبىلدىرىپ، اۋەزوۆ اۋدانىنىڭ پوليسيا باسقارماسى قىلمىستىق ءىس قوزعاعانىن مالىمدەدى.