Málimdemede "Jarıa málimdeme. Men, Mamaı Janbolat Mamaıuly, taǵylǵan aıyptar boıynsha ózimdi kináli dep sanamaımyn. Ómirimde bıznespen, qarjylyq sharýalarmen aınalysqan emespin. Bul isti saıası astary bar dep, jýrnalısik qyzmetime qysym jáne "Trıbýna" gazetin jabý áreketi dep esepteımin" dep qolmen jazylǵan. Málimdemeniń sońynda 11 aqpan kúni jazylǵany belgilenip, Janbolat Mamaıdyń qoly qoıylǵan.
Azamattyq belsendi Janbolat Mamaıdy 2017 jyly 10 aqpan kúni sybaılas jemqorlyqqa qarsy is-qımyl ulttyq búrosy qyzmetkerleri ustaǵan edi. Búronyń resmı saıtynda Janbolat Mamaıdyń ustalýyn "BTA bank" dırektorlar keńesiniń burynǵy tóraǵasy M.Áblázov pen J.Jarymbetov jáne basqa da tulǵalarǵa qarsy aqsha jymqyrý týraly qozǵalǵan istiń "jalǵasy" dep túsindirgen.
Búro "Tergeý barysynda Áblázovtiń jańa kómekshisi Mamaı Janbolat ekeni anyqtaldy. Ol "BTA bankten" urlanǵan qarajattyń bir bóliginiń izin «Saıası qalam: Trıbýna» gazeti arqyly qarjylyq operasıalar jasap jasyrǵan. Qazir korrýpsıaǵa qarsy búro qajetti tergeý sharalaryn júrgizip jatyr" dep jazady.
2006 jyly 11 aqpanda opozısıalyq saıasatker Altynbek Sársenbaıuly men onyń eki kómekshisine qastandyq jasalyp, máıitteri Almaty oblysy Talǵar aýdanynan tabylǵan edi. 2017 jyly aqpannyń 11-i kúni Almatyda saıasatkerdi eske alý jıyny ótti.
