Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Janbolat Mamai abaqtydan hat jazdy

Dalanews
Janbolat Mamai abaqtydan hat jazdy
2017 jyly aqpannyń 11-i kúni Almatyda "Astana" qonaqúiinde ótken Altynbek Sársenbaiulyn eske alý jiynynda aqpannyń 10-y ustalǵan «Saiasi qalam: Tribýna» gazeti bas redaktory mindetin atqarýshy Janbolat Mamaidyń abaqtydan jazǵan málimdemesi oqyldy. Ony Sársenbaiulyn eske alý dóńgelek ústeli moderatory Tólegen Júkeev oqyp bergenin quqyq qorǵaýshy Baqytjan Tóreǵojina habarlady dep habarlaidy Azattyq saity..

Málimdemede "Jariia málimdeme. Men, Mamai Janbolat Mamaiuly, taǵylǵan aiyptar boiynsha ózimdi kináli dep sanamaimyn. Ómirimde biznespen, qarjylyq sharýalarmen ainalysqan emespin. Bul isti saiasi astary bar dep, jýrnalistik qyzmetime qysym jáne "Tribýna" gazetin jabý áreketi dep esepteimin" dep qolmen jazylǵan. Málimdemeniń sońynda 11 aqpan kúni jazylǵany belgilenip, Janbolat Mamaidyń qoly qoiylǵan.

Azamattyq belsendi Janbolat Mamaidy 2017 jyly 10 aqpan kúni sybailas jemqorlyqqa qarsy is-qimyl ulttyq biýrosy qyzmetkerleri ustaǵan edi. Biýronyń resmi saitynda Janbolat Mamaidyń ustalýyn "BTA bank" direktorlar keńesiniń burynǵy tóraǵasy M.Ábliazov pen J.Jarymbetov jáne basqa da tulǵalarǵa qarsy aqsha jymqyrý týraly qozǵalǵan istiń "jalǵasy" dep túsindirgen.

Biýro "Tergeý barysynda Ábliazovtiń jańa kómekshisi Mamai Janbolat ekeni anyqtaldy. Ol "BTA bankten" urlanǵan qarajattyń bir bóliginiń izin «Saiasi qalam: Tribýna» gazeti arqyly qarjylyq operatsiialar jasap jasyrǵan. Qazir korrýptsiiaǵa qarsy biýro qajetti tergeý sharalaryn júrgizip jatyr" dep jazady.

2006 jyly 11 aqpanda oppozitsiialyq saiasatker Altynbek Sársenbaiuly men onyń eki kómekshisine qastandyq jasalyp, máiitteri Almaty oblysy Talǵar aýdanynan tabylǵan edi. 2017 jyly aqpannyń 11-i kúni Almatyda saiasatkerdi eske alý jiyny ótti.
Muhtar Ábliazov Janbolat Mamai Tribýna gazeti Madina Sádýaqasova

Oqi otyryńyz