ازاماتتىق بەلسەندٸ جانبولات مامايدى 2017 جىلى 10 اقپان كٷنٸ سىبايلاس جەمقورلىققا قارسى ٸس-قيمىل ۇلتتىق بيۋروسى قىزمەتكەرلەرٸ ۇستاعان ەدٸ. بيۋرونىڭ رەسمي سايتىندا جانبولات مامايدىڭ ۇستالۋىن "بتا بانك" ديرەكتورلار كەڭەسٸنٸڭ بۇرىنعى تٶراعاسى م.ەبليازوۆ پەن ج.جارىمبەتوۆ جەنە باسقا دا تۇلعالارعا قارسى اقشا جىمقىرۋ تۋرالى قوزعالعان ٸستٸڭ "جالعاسى" دەپ تٷسٸندٸرگەن.
بيۋرو "تەرگەۋ بارىسىندا ەبليازوۆتٸڭ جاڭا كٶمەكشٸسٸ ماماي جانبولات ەكەنٸ انىقتالدى. ول "بتا بانكتەن" ۇرلانعان قاراجاتتىڭ بٸر بٶلٸگٸنٸڭ ٸزٸن «ساياسي قالام: تريبۋنا» گازەتٸ ارقىلى قارجىلىق وپەراتسييالار جاساپ جاسىرعان. قازٸر كوررۋپتسيياعا قارسى بيۋرو قاجەتتٸ تەرگەۋ شارالارىن جٷرگٸزٸپ جاتىر" دەپ جازادى.
2006 جىلى 11 اقپاندا وپپوزيتسييالىق ساياساتكەر التىنبەك سەرسەنبايۇلى مەن ونىڭ ەكٸ كٶمەكشٸسٸنە قاستاندىق جاسالىپ, مەيٸتتەرٸ الماتى وبلىسى تالعار اۋدانىنان تابىلعان ەدٸ. 2017 جىلى اقپاننىڭ 11-ٸ كٷنٸ الماتىدا ساياساتكەردٸ ەسكە الۋ جيىنى ٶتتٸ.
