Májilistiń eki depýtaty Edil Jańbyrshin men Ádil Jubanov popýlizmmen ainalysyp júr. Bul týraly ENERGY MONITOR telegram arnasynyń avtorlary jazdy, - dep habarlaidy Dalanews.kz.
«Depýtaattarymyzdyń túri osy. Jańbyrshin men Jubanov Májiliste munai salasyna qatysy bar jalǵyz depýtattar. Biraq olardyń popýlizmi kúlkini keltiredi», - deidi ENERGY MONITOR kanalynyń avtory Nurlan Jumaǵulov.
Ol dálel retinde eki videony tirkep qoiǵan.
«Birinshi videoda Jańbyrshin Mańǵystaýda tórt ai narazylyqqa shyqqan Westoil qyzmetkerlerin qoldaidy (narazylyqqa deiin). Eń qyzyǵy – Jańbyrshin birde-bir ret narazylyqqa shyqqan adamdarmen kezdespegen. Ol Qazmunaigaz Jańaózenniń munaiyn deldardarǵa kók tiynǵa satyp júrgenin, al óńirge bir tiyn túspeitinin aitqan bolatyn (bul – feik). Onyń ústine ol májiliste Tabiǵi resýrstar (munai ónerkásibi) komitetin basqarady», - deidi kanal avtory.
Onyń sózinshe, Jubanov ta «ońyp turǵan joq».
«Ol Atyraýǵa Qulsarydaǵy sýǵa batqan úilerdi qalpyna keltirý/salý úshin bólek tólemder belgileýdi usyndy, óitkeni bul munaily ólke. Biraq ózi depýtat bolǵannan keiin onyń kompaniiasy ondaǵan milliard teńge ala bastady. Jubanovtyń sózin estigen qulsarylyqtar úidiń sharshy metrine 400 myń teńgeden suraǵany sol shyǵar. Bul durys ta shyǵar, biraq onda basqa óńirlerge de solai tólenýi kerek! Bir elde turamyz! Eń qyzyǵy qulsarylyqtar byltyr jyl sońynda sý tasqyny bolýy múmkin ekenin eskertken bolatyn. Sol kezde Jubanov qaida boldy eken?», - deidi kanal avtory.
