مەجٸلٸستٸڭ ەكٸ دەپۋتاتى ەدٸل جاڭبىرشين مەن ەدٸل جۇبانوۆ پوپۋليزممەن اينالىسىپ جٷر. بۇل تۋرالى ENERGY MONITOR تەلەگرام ارناسىنىڭ اۆتورلارى جازدى, - دەپ حابارلايدى Dalanews.kz.
«دەپۋتااتتارىمىزدىڭ تٷرٸ وسى. جاڭبىرشين مەن جۇبانوۆ مەجٸلٸستە مۇناي سالاسىنا قاتىسى بار جالعىز دەپۋتاتتار. بٸراق ولاردىڭ پوپۋليزمٸ كٷلكٸنٸ كەلتٸرەدٸ», - دەيدٸ ENERGY MONITOR كانالىنىڭ اۆتورى نۇرلان جۇماعۇلوۆ.
ول دەلەل رەتٸندە ەكٸ ۆيدەونى تٸركەپ قويعان.
«بٸرٸنشٸ ۆيدەودا جاڭبىرشين ماڭعىستاۋدا تٶرت اي نارازىلىققا شىققان Westoil قىزمەتكەرلەرٸن قولدايدى (نارازىلىققا دەيٸن). ەڭ قىزىعى – جاڭبىرشين بٸردە-بٸر رەت نارازىلىققا شىققان ادامدارمەن كەزدەسپەگەن. ول قازمۇنايگاز جاڭاٶزەننٸڭ مۇنايىن دەلداردارعا كٶك تيىنعا ساتىپ جٷرگەنٸن, ال ٶڭٸرگە بٸر تيىن تٷسپەيتٸنٸن ايتقان بولاتىن (بۇل – فەيك). ونىڭ ٷستٸنە ول مەجٸلٸستە تابيعي رەسۋرستار (مۇناي ٶنەركەسٸبٸ) كوميتەتٸن باسقارادى», - دەيدٸ كانال اۆتورى.
ونىڭ سٶزٸنشە, جۇبانوۆ تا «وڭىپ تۇرعان جوق».
«ول اتىراۋعا قۇلسارىداعى سۋعا باتقان ٷيلەردٸ قالپىنا كەلتٸرۋ/سالۋ ٷشٸن بٶلەك تٶلەمدەر بەلگٸلەۋدٸ ۇسىندى, ٶيتكەنٸ بۇل مۇنايلى ٶلكە. بٸراق ٶزٸ دەپۋتات بولعاننان كەيٸن ونىڭ كومپانيياسى ونداعان ميلليارد تەڭگە الا باستادى. جۇبانوۆتىڭ سٶزٸن ەستٸگەن قۇلسارىلىقتار ٷيدٸڭ شارشى مەترٸنە 400 مىڭ تەڭگەدەن سۇراعانى سول شىعار. بۇل دۇرىس تا شىعار, بٸراق وندا باسقا ٶڭٸرلەرگە دە سولاي تٶلەنۋٸ كەرەك! بٸر ەلدە تۇرامىز! ەڭ قىزىعى قۇلسارىلىقتار بىلتىر جىل سوڭىندا سۋ تاسقىنى بولۋى مٷمكٸن ەكەنٸن ەسكەرتكەن بولاتىن. سول كەزدە جۇبانوۆ قايدا بولدى ەكەن?», - دەيدٸ كانال اۆتورى.
