Jańbyrdan keıin Almatynyń tynysy ashyldy, dep habarlaıdy Dalanews.kz
Sınoptıkter bir apta buryn jeltoqsannyń basynda kún raıy kúrt qubylyp, jańbyr jaýyp, qar ushqyndap, jel soǵatynyn aıtqan edi. Qalany tumshalap turǵan tútin men shańnan arylýǵa osy sep bolǵan.
Aýa sapasyn baqylaıtyn halyqaralyq uıym IQAir derekterine qaraǵanda, qalanyń lastaný kórsetkishi de edáýir jaqsarǵan.
Keıingi aılarda Almatydaǵy aýa sapasy nasharlap, antıreıtıngterden túspeı kelgen edi. Biraq tabıǵattyń alaı-dúleı minezi men seldirep jaýǵan az ǵana jaýynnyń ózi qalanyń aspanyn qaıta ashty.
Aıta keteıik, 1 jeltoqsannan bastap Almatynyń jergilikti atqarýshy organdary avtoparkti jańartý maqsatynda jańa ekologıalyq erejeler engizdi. Atmosferany qorǵaý erejelerin ázirleı bastady, ol qujat qazir kelisilip jatyr.
Sonymen qatar, jeltoqsannyń alǵashqy kúnderinde Almatyda qatty otyn paıdalanatyn káýaphanalarǵa baqylaý da kúsheıdi. Sanıtarlyq-epıdemıologıalyq qyzmetter kópshilik tamaqtanatyn oryndarǵa jospardan tys 12 tekseris júrgizip, 10 zańbuzýshylyqty anyqtaǵan.
