جاڭبىردان كەيىن الماتىنىڭ تىنىسى اشىلدى، دەپ حابارلايدى Dalanews.kz

سينوپتيكتەر ءبىر اپتا بۇرىن جەلتوقساننىڭ باسىندا كۇن رايى كۇرت قۇبىلىپ، جاڭبىر جاۋىپ، قار ۇشقىنداپ، جەل سوعاتىنىن ايتقان ەدى. قالانى تۇمشالاپ تۇرعان ءتۇتىن مەن شاڭنان ارىلۋعا وسى سەپ بولعان.

اۋا ساپاسىن باقىلايتىن حالىقارالىق ۇيىم IQAir دەرەكتەرىنە قاراعاندا، قالانىڭ لاستانۋ كورسەتكىشى دە ەداۋىر جاقسارعان.

كەيىنگى ايلاردا الماتىداعى اۋا ساپاسى ناشارلاپ، انتيرەيتينگتەردەن تۇسپەي كەلگەن ەدى. ءبىراق تابيعاتتىڭ الاي-دۇلەي مىنەزى مەن سەلدىرەپ جاۋعان از عانا جاۋىننىڭ ءوزى قالانىڭ اسپانىن قايتا اشتى.

ايتا كەتەيىك، 1 جەلتوقساننان باستاپ الماتىنىڭ جەرگىلىكتى اتقارۋشى ورگاندارى اۆتوپاركتى جاڭارتۋ ماقساتىندا جاڭا ەكولوگيالىق ەرەجەلەر ەنگىزدى. اتموسفەرانى قورعاۋ ەرەجەلەرىن ازىرلەي باستادى، ول قۇجات ءقازىر كەلىسىلىپ جاتىر.

سونىمەن قاتار، جەلتوقساننىڭ العاشقى كۇندەرىندە الماتىدا قاتتى وتىن پايدالاناتىن كاۋاپحانالارعا باقىلاۋ دا كۇشەيدى. سانيتارلىق-ەپيدەميولوگيالىق قىزمەتتەر كوپشىلىك تاماقتاناتىن ورىندارعا جوسپاردان تىس 12 تەكسەرىس جۇرگىزىپ، 10 زاڭبۇزۋشىلىقتى انىقتاعان.