Jańasemei aýdanyna qarasty Novobajenova aýylynda zamanaýi talaptarǵa sai jabdyqtalǵan jańa sport zaly paidalanýǵa berildi,– dep habarlaidy Dalanews.kz
Nysan «Qazaqstan halqyna» qoǵamdyq qory jáne «Batyr bolamyn» qoǵamdyq qorynyń qoldaýymen ashyldy.
Ashylý rásimine «Batyr bolamyn» qorynyń prezidenti Erkebulan Sánibekuly, «Qazaqstan halqyna» qoǵamdyq qorynyń tóraiymy Lázzat Shyńǵysbaeva, oblystyq Dene shynyqtyrý jáne sport basqarmasynyń basshysy Erjan Ábilqasymov qatysty. Qonaqtar aýyl jurtshylyǵyn jańa sporttyq nysanmen quttyqtap, bul zaldyń jastar arasynda salaýatty ómir saltyn qalyptastyrýda mańyzdy ról atqaratynyn atap ótti.
Sport kesheninde kúres, boks, aýyr atletika, ústel tennisi siiaqty jattyǵý túrlerine arnalǵan qural-jabdyqtar ornatylǵan. Sonymen qatar, arnaiy jattyǵý zaly men jasóspirimderge arnalǵan baǵdarlamalar qarastyrylǵan.
