Jańaózen qalasynda 47 jastaǵy muǵalim Dina Jarylǵasova segiz aidan beri iz-túzsiz joǵalyp ketken. Jaqyndarynyń aitýynsha, ótken jyldyń qyrkúiek aiynda úiinen shyqqan áiel sol kúii qaita oralmaǵan, dep habarlaidy Dalanews.kz Informbiýro baǵdarlamasyna silteme jasap.
Týystarynyń sózinshe, kelinshek sol kúni Beket ata jerasty meshiti baryp, quran baǵyshtaǵysy kelgenin aitqan. Qyzdary anasyn tańerteń birge shyǵýǵa kóndirmek bolǵanymen, ol jalǵyz ózi ketip qalǵan. Eń alańdatarlyǵy — áiel uialy telefonyn da úide qaldyrǵan.
Keiin taksi júrgizýshileri ustazdy Qyzylsai aýyly mańynan kórgenderin jetkizgen. Alaida atalǵan aýmaqta júrgizilgen izdestirý sharalary nátije bermegen.
Joǵalǵan azamattyń 13 jáne 23 jastaǵy qyzdary izdeý jumystarynyń qaita jandanýyn surap otyr. Olardyń aitýynsha, anasy klastastarymen jaqsy aralasqan, eshkimmen ashyq janjaly bolmaǵan.
Nesibeli Qobylan, joǵalǵan áieldiń qyzy, anasynyń sońǵy kezde tanystarymen aralasqanyn aityp, onyń belgisiz jaǵdaida joǵalyp ketkenine alańdaýshylyq bildirdi.
"Tańerteń baraiyq degenge aramyzda janjal týyndady. Ókpemen ketken bolsańyz, bárin birge jeńemiz, birge ótemiz, kóremiz", - dedi joǵalǵan muǵalimniń qyzy.
Qazirgi tańda týystary quqyq qorǵaý organdarynan isti qaita qarap, qosymsha izdestirý kúshterin tartýdy surap otyr.
