Jańaózende mektep túlekteri jol apatyna ushyrady. Quzyrly organdar jaǵdaıǵa pikir bildirdi, dep habarlaıdy Dalanews.kz.
Jergilikti Lada.kz basylymy málimetinshe, oblystyq bilim basqarmasy 23 mamyrda Jańaózen qalasynda bolǵan jol-kólik oqıǵasyna qatysty áleýmettik jeliler men messendjerlerde taraǵan "jol apatyna mektep bitirýshi túlekter sebep boldy" degen aqparat shyndyqqa sáıkes kelmeıtinin aıtqan.
Basqarma aqparatyna súıensek, Jańaózende bolǵan jol apatyna Toyota Hilux, Toyota Land Cruiser 100 jáne Lexus LX 450 markaly kólikter qatysqan.
Polısıanyń resmı aqparatyna sáıkes, Toyota Hilux kóliginiń júrgizýshisi (mektep túlegi emes) alda kele jatqan Land Cruiser 100 kóligin basyp ozýǵa áreket jasaǵan sátte jol apaty bolǵan. Soqtyǵys nátıjesinde úshinshi kólik Lexus LX 450 zaqymdanǵan, al onyń ishinde mektep bitirýshi túlekter otyrǵan.
Oqıǵa saldarynan eshkim zardap shekpegen.
"Jol apatyna mektep bitirýshiler sebepker boldy degen aqparat shyndyqqa janaspaıdy. Bul oqıǵaǵa qatysty resmı organdardyń tekserý nátıjeleri men derekterine ǵana senýdi suraımyz", – delingen Bilim basqarmasynyń málimdemesinde.
