Jańaózen qalasynyń balabaqshalarynda biýdjet qarajatyn jymqyrý derekteri anyqtaldy, - dep habarlaidy Dalanews.kz.
Jańaózen qalasy prokýratýrasy júrgizgen taldaý nátijesi barysynda Jańaózen qalasyndaǵy eki memlekettik balabaqshanyń esepshisi biýdjet qarajatyn jymqyrǵany anyqtalǵan.
Esepshi óz shotyna jalpy somasy 30 million teńgeni zańsyz aýdarǵan.
"Bul derek boiynsha qala prokýratýrasy qylmystyq is tirkep, esepshige Jańaózen qalalyq sotynyń 15 naýryzdaǵy úkimimen Qylmystyq kodekstiń 189-baby 4-bóligi 2) tarmaǵymen 6 jyl merzimge bas bostandyǵynan aiyrý túrindegi jazasy taǵaiyndalyp, osy kodekstiń 63-babyna sáikes taǵaiyndalǵan jaza shartty dep sanaldy", - dep jazylǵan habarlamada.
Sonymen qatar, jymqyrylǵan 30 million teńge tolyǵymen memleketke qaitaryldy.
