Qazaqstandaǵy jańa ken oryndarynyń basym bóligi endi memlekettiń menshiginde bolady. Bul týraly Májilistiń jalpy otyrysynda palata spıkeri Erlan Qoshanov málimdedi, dep habarlaıdy Dalanews.kz.

“Sońǵy jyldary qabyldanǵan barlyq zańnyń negizinde Prezıdenttiń ádilettilik qaǵıdaty jatyr. Konstıtýsıaǵa tabıǵı resýrstar halyqqa tıesili degen normany naqtylap engizdik. Bul qaǵıdat búginde “Ulttyq qor – balalarǵa” baǵdarlamasy arqyly iske asyrylýda. Sondaı-aq jańadan ashylǵan iri ken oryndarynyń 50%-dan astamy memleketke tıesili bolady”, – dedi ol.

Májilis tóraǵasy elden zańsyz shyǵarylǵan aktıvterdi qaıtarý máselesine de toqtaldy.

“Prezıdenttiń tikeleı bastamasymen zańsyz alynǵan aktıvterdi qaıtarý týraly zań qabyldandy. Sonyń nátıjesinde Qazaqstanǵa eki trıllıon teńgege jýyq qarajat qaıtaryldy. Bul – Memleket basshysynyń reformalarynyń naqty jemisi ári tarıhı ádilettilikti qalpyna keltirýge baǵyttalǵan mańyzdy qadamdar”, – dep atap ótti Erlan Qoshanov.

Aıta keteıik, búgin májilis tóraǵasy Erlan Qoshanov búgin "prezıdenttiń saıası reformalaryn iske asyrý – memlekettik qurylystyń jańa tarıhı kezeńi" taqyrybynda baıandama jasady.