Sáýir aiynda Almatyda jańadan salynǵan turǵyn úi keshenindegi páterler baǵasy 3,4%-ǵa ósti, bul - 2023 jyldyń qyrkúieginen beri tirkelgen eń joǵary qarqyn. Bul segmenttegi baǵanyń ósimi osymen segizinshi ai qatarynan júrip jatyr. Al onymen salystyrǵanda Astanada jańa turǵyn úi keshenindegi páterler baǵasynyń ósý qarqyny tómen (+2,5%), biraq baǵanyń uzaǵyraq saqtalýy turǵysynda rekord jańardy. Ulttyq statistikalyq biýro málimetterine silteme jasai otyryp, Data Hub osyndai málimet taratty, dep habarlaidy Dalanews.kz.
"Astanada ai saiyn ózgeretin baǵa jaǵdaiy sońǵy ret 2022 jyldyń kúzinde tirkelgen. Eger baǵany jyl basymen salystyratyn bolsaq, qazir Almatyda +7,8%, Astanada +4,4% ósim baiqalady", delingen habarlamada.
Aita ketsek, jańadan salynǵan turǵyn úi keshenderiniń kóptep qoldanysqa berilýi jaǵynan eki qala alda qatar keledi.
Ekinshi naryqtaǵy jaǵdai qalai?
"Almatyda naýryzdaǵy ósimnen keiin baǵa, ázirge birqalypty tur, biraq azdaǵan ózgerister baiqalady (+2,3%, segmenttegi baǵa ósimi tórtinshi ai qatarynan tirkeldi). Esesine, Astanada baǵalar birshama tómendedi, iaǵni naýryz aiymen salystyrǵanda - 0,2%, osylaisha bes ai boiǵy ósimnen keiin baǵa "entigin" basty. Jyl basynan beri Almatyda kommertsiialyq naryqtaǵy (eski úiler) baǵa da qymbattady: +10,4%, al Astanada: +2,2%", dep naqtylaidy Data Hub.
Buǵan deiin "Keleshek" baǵdarlamasy boiynsha bastapqy kapital - 235 myń teńgeni qalai alýǵa bolatynyn jazǵanbyz.
