ءساۋىر ايىندا الماتىدا جاڭادان سالىنعان تۇرعىن ءۇي كەشەنىندەگى پاتەرلەر باعاسى 3،4%-عا ءوستى، بۇل - 2023 جىلدىڭ قىركۇيەگىنەن بەرى تىركەلگەن ەڭ جوعارى قارقىن. بۇل سەگمەنتتەگى باعانىڭ ءوسىمى وسىمەن سەگىزىنشى اي قاتارىنان ءجۇرىپ جاتىر. ال ونىمەن سالىستىرعاندا استانادا جاڭا تۇرعىن ءۇي كەشەنىندەگى پاتەرلەر باعاسىنىڭ ءوسۋ قارقىنى تومەن (+2،5%)، ءبىراق باعانىڭ ۇزاعىراق ساقتالۋى تۇرعىسىندا رەكورد جاڭاردى.  ۇلتتىق ستاتيستيكالىق بيۋرو مالىمەتتەرىنە سىلتەمە جاساي وتىرىپ، Data Hub وسىنداي مالىمەت تاراتتى، دەپ حابارلايدى Dalanews.kz.

"استانادا اي سايىن وزگەرەتىن باعا جاعدايى سوڭعى رەت 2022 جىلدىڭ كۇزىندە تىركەلگەن. ەگەر باعانى جىل باسىمەن سالىستىراتىن بولساق، ءقازىر الماتىدا +7،8%، استانادا +4،4% ءوسىم بايقالادى"، دەلىنگەن حابارلامادا.

ايتا كەتسەك، جاڭادان سالىنعان تۇرعىن ءۇي كەشەندەرىنىڭ كوپتەپ قولدانىسقا بەرىلۋى جاعىنان ەكى قالا الدا قاتار كەلەدى.

ەكىنشى نارىقتاعى جاعداي قالاي؟

"الماتىدا ناۋرىزداعى وسىمنەن كەيىن  باعا، ازىرگە ءبىرقالىپتى تۇر، ءبىراق ازداعان وزگەرىستەر بايقالادى (+2،3%، سەگمەنتتەگى باعا ءوسىمى ءتورتىنشى اي قاتارىنان تىركەلدى). ەسەسىنە، استانادا باعالار ءبىرشاما تومەندەدى، ياعني ناۋرىز ايىمەن سالىستىرعاندا - 0،2%، وسىلايشا بەس اي بويعى وسىمنەن كەيىن باعا "ەنتىگىن" باستى. جىل باسىنان بەرى الماتىدا كوممەرسيالىق نارىقتاعى (ەسكى ۇيلەر) باعا دا قىمباتتادى: +10،4%، ال  استانادا: +2،2%"، دەپ ناقتىلايدى Data Hub.

بۇعان دەيىن "كەلەشەك" باعدارلاماسى بويىنشا باستاپقى كاپيتال - 235 مىڭ تەڭگەنى قالاي الۋعا بولاتىنىن جازعانبىز.