Ulttyq statistika biýrosynyń málimetinshe, qyrkúiek aiynda 2023 jyldyń tamyzymen salystyrǵanda, jańa turǵyn úidi satý baǵasy sharshy merti úshin 493 705 teńgege deiin ósken.
Al páterlerdi qaita satýdyń ortasha baǵasy 0,1%-ǵa ósip, 1 sharshy metrdiń quny 485 928 teńgege jetti, al abattandyrylǵan turǵyn úi úshin jaldaý aqysy 2,4%-ǵa – sharshy metri úshin 4 715 teńgege deiin arzandady.
Aita keteiik, budan buryn Qazaqstannyń úsh qalasynda jańa turǵyn úiler kúrt qymbattaǵany habarlanǵan. Atap aitqanda, jańa úiler naryǵynda baǵa jyldyq mánde Aqtaýda 18%, Semeide 16%, Pavlodarda 15,5% qymbattady. Qoldanystaǵy páterler naryǵynda baǵa ósiminiń kósh basynda Semei (25,3%), Aqtóbe (22,5%), Qyzylorda (15,5%) qalalary, turǵyn úidi jalǵa berý naryǵynda – Kókshetaý (37,9%), Qonaev (36,1%), Aqtóbe (34,7%) qalalary.
