ۇلتتىق ستاتيستيكا بيۋروسىنىڭ مەلٸمەتٸنشە, قىركٷيەك ايىندا 2023 جىلدىڭ تامىزىمەن سالىستىرعاندا, جاڭا تۇرعىن ٷيدٸ ساتۋ باعاسى شارشى مەرتٸ ٷشٸن 493 705 تەڭگەگە دەيٸن ٶسكەن.
ال پەتەرلەردٸ قايتا ساتۋدىڭ ورتاشا باعاسى 0,1%-عا ٶسٸپ, 1 شارشى مەتردٸڭ قۇنى 485 928 تەڭگەگە جەتتٸ, ال اباتتاندىرىلعان تۇرعىن ٷي ٷشٸن جالداۋ اقىسى 2,4%-عا – شارشى مەترٸ ٷشٸن 4 715 تەڭگەگە دەيٸن ارزاندادى.
ايتا كەتەيٸك, بۇدان بۇرىن قازاقستاننىڭ ٷش قالاسىندا جاڭا تۇرعىن ٷيلەر كٷرت قىمباتتاعانى حابارلانعان. اتاپ ايتقاندا, جاڭا ٷيلەر نارىعىندا باعا جىلدىق مەندە اقتاۋدا 18%, سەمەيدە 16%, پاۆلوداردا 15,5% قىمباتتادى. قولدانىستاعى پەتەرلەر نارىعىندا باعا ٶسٸمٸنٸڭ كٶش باسىندا سەمەي (25,3%), اقتٶبە (22,5%), قىزىلوردا (15,5%) قالالارى, تۇرعىن ٷيدٸ جالعا بەرۋ نارىعىندا – كٶكشەتاۋ (37,9%), قوناەۆ (36,1%), اقتٶبە (34,7%) قالالارى.
