Búgin Májilistiń jalpy otyrysy ótti. Osy tusta “Qazaqstan Respýblikasynyń keibir zańnamalyq aktilerine bailanys, tsifrlandyrý jáne aqparattandyrý salasynyń investitsiialyq ahýalyn arttyrý máseleleri boiynsha ózgerister men tolyqtyrýlar engizý týraly” zań jobasy maquldandy, dep habarlaidy Dalanews.kz.
Qujatta mynadai is-sharalar qarastyrylǵan:
- radiojiilik spektoryn qaita qaraý,
- bailanys infraqurylymy úshin oryndardy bas josparǵa engizý;
- virtýaldy bailanys operatorlarynyń quqyqtyq mártebesin engizý;
- bailanys jelileri men qurylystaryn ornalastyrý oryndaryna operatorlardyń teń dárejede qol jetkizýin zańnamalyq bekitý;
- aýyl sharýashylyǵy jáne ónerkásip nysandarynda bailanys qyzmetterin sýbsidiialaý;
- avtokólik joldarynda talshyqty-optikalyq bailanys jelilerin qamtamasyz etýdi mindetteý;
- geostantsionarlyq emes bailanys spýtnikteriniń jumysyn retteý;
- jergilikti atqarýshy organdarǵa bailanys infraqurylymyn qurý salasynda qosymsha quzyret berý.
Zań jobasynda salalyq sheshimderdi tsifrlandyrý úshin quqyqtyq jaǵdailar engizilgen. Máselen, jańa týǵan nárestege JSN bekitý jáne basqa da is-qimyldar eskerilgen. Taratylǵan málimetke qaraǵanda, jeke derekterdi joǵaltý qaýpin boldyrmaý úshin, bala týǵannan keiin birden, iaǵni alǵashqy 20 minýt ishinde jeke sáikestendirý nómirin (JSN) berý usynyldy.
Májilis depýtaty Ekaterina Smyshliaevanyń aitýynsha, zań jobasy qabyldanǵan jaǵdaida bailanys jelileriniń qurylysy jedeldeidi.
Sonymen qatar bailanys qyzmetteriniń sapasy jaqsaryp, qamtý aimaqtarynyń keńeietinin atap ótti.
“Bailanys operatorlary arasynda básekelestik damytylady. Qala berdi jańa spýtniktik bailanys jumys istei bastaidy”, - dedi Ekaterina Smyshliaeva.
