بۇگىن ءماجىلىستىڭ جالپى وتىرىسى ءوتتى. وسى تۇستا “قازاقستان رەسپۋبليكاسىنىڭ كەيبىر زاڭنامالىق اكتىلەرىنە بايلانىس، سيفرلاندىرۋ جانە اقپاراتتاندىرۋ سالاسىنىڭ ينۆەستيسيالىق احۋالىن ارتتىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” زاڭ جوباسى ماقۇلداندى، دەپ حابارلايدى Dalanews.kz.
قۇجاتتا مىناداي ءىس-شارالار قاراستىرىلعان:
- راديوجيىلىك سپەكتورىن قايتا قاراۋ،
- بايلانىس ينفراقۇرىلىمى ءۇشىن ورىنداردى باس جوسپارعا ەنگىزۋ؛
- ۆيرتۋالدى بايلانىس وپەراتورلارىنىڭ قۇقىقتىق مارتەبەسىن ەنگىزۋ؛
- بايلانىس جەلىلەرى مەن قۇرىلىستارىن ورنالاستىرۋ ورىندارىنا وپەراتورلاردىڭ تەڭ دارەجەدە قول جەتكىزۋىن زاڭنامالىق بەكىتۋ؛
- اۋىل شارۋاشىلىعى جانە ونەركاسىپ نىساندارىندا بايلانىس قىزمەتتەرىن سۋبسيديالاۋ؛
- اۆتوكولىك جولدارىندا تالشىقتى-وپتيكالىق بايلانىس جەلىلەرىن قامتاماسىز ەتۋدى مىندەتتەۋ؛
- گەوستانسيونارلىق ەمەس بايلانىس سپۋتنيكتەرىنىڭ جۇمىسىن رەتتەۋ؛
- جەرگىلىكتى اتقارۋشى ورگاندارعا بايلانىس ينفراقۇرىلىمىن قۇرۋ سالاسىندا قوسىمشا قۇزىرەت بەرۋ.
زاڭ جوباسىندا سالالىق شەشىمدەردى سيفرلاندىرۋ ءۇشىن قۇقىقتىق جاعدايلار ەنگىزىلگەن. ماسەلەن، جاڭا تۋعان نارەستەگە جسن بەكىتۋ جانە باسقا دا ءىس-قيمىلدار ەسكەرىلگەن. تاراتىلعان مالىمەتكە قاراعاندا، جەكە دەرەكتەردى جوعالتۋ ءقاۋپىن بولدىرماۋ ءۇشىن، بالا تۋعاننان كەيىن بىردەن، ياعني العاشقى 20 مينۋت ىشىندە جەكە سايكەستەندىرۋ ءنومىرىن (جسن) بەرۋ ۇسىنىلدى.
ءماجىلىس دەپۋتاتى ەكاتەرينا سمىشليايەۆانىڭ ايتۋىنشا، زاڭ جوباسى قابىلدانعان جاعدايدا بايلانىس جەلىلەرىنىڭ قۇرىلىسى جەدەلدەيدى.
سونىمەن قاتار بايلانىس قىزمەتتەرىنىڭ ساپاسى جاقسارىپ، قامتۋ ايماقتارىنىڭ كەڭەيەتىنىن اتاپ ءوتتى.
“بايلانىس وپەراتورلارى اراسىندا باسەكەلەستىك دامىتىلادى. قالا بەردى جاڭا سپۋتنيكتىك بايلانىس جۇمىس ىستەي باستايدى”، - دەدى ەكاتەرينا سمىشليايەۆا.
