Almatyda Buqtyrma kóshesi men Qulja tasjolynyń qiylysynda 2021 jyly tóselgen asfalt oiylyp, shuńqyrlar paida boldy, dep habarlaidy Dalanews.kz.
Almaty qalalyq mobildilik basqarmasynyń málimetinshe, jaýapkershilikti jol jóndegen kompaniia óz moinyna alady. Estakada boiynda qozǵalys 2021 jyly ashylǵan.
Biraq jolairyq 2023 jyldyń qazan aiynda paidalanýǵa berilgendikten nysanǵa 2026 jylǵa deiin merdiger kepil bolady.
"Aldyn ala málimet boiynsha, asfaltbeton jabynynyń aqaýy gidrooqshaýlaǵysh materialdyń qabyrshaqtanýy saldarynan paida boldy. Onyń naqtyly sebepterin anyqtaý úshin zaqymdanǵan ýchaske ashylady. "Bazis construction" JShS kompaniiasyna kepildik mindettemeleri aiasynda óz qarajaty esebinen aldaǵy 10 kún ishinde qalpyna keltirý jumysyn júrgizýge nusqaý berildi", - delingen habarlamada.
Basqarma qozǵalys qaýipsizdigin qamtamasyz etý úshin qazirgi kezde aqaýly ýchaskege ýaqytsha jóndeý júrgizilgenin atap ótti.
Eske salaiyq, buǵan deiin QR Premer-Ministri Oljas Bektenov jol sapasy jóninde turǵyndar shaǵymyna der kezinde nazar aýdarýdy tapsyrǵan bolatyn.
Osy tusta kólik ministri Marat Qarabaev jol jobalaryna tartylǵan kompaniialardyń jaýapkershiligin arttyrýdyń jańa tásili engiziletinin aitty.
"Sońǵy jyldardaǵy jobalardy iske asyrý tájiribesin eskere otyryp, merdigerlerdiń, jobalaýshylardyń jaýapkershiligin arttyrý maqsatynda osy jobalarda halyqaralyq qarjy uiymdarynyń qoldaýymen EPCM kelisimsharty jáne FIDIC qaǵidasy engizilýde. Ondaǵy sharttarǵa sáikes merdiger kompaniia ózi jobalap, ózi salyp, 7 jylǵa deiin kútip ustaidy", — dedi ol.
