Qyrkúiektiń 28-inen 29-yna qaraǵan túni Tele2, Kcell jáne Beeline Qazaqstan operatorlarynyń internet jelisi baiaýlap, bul óz kezeginde qoldanýshylardyń narazylyǵyn týdyrdy.
Aqparat quraldaryna pikir bildirgen operatorlar munyń sebebin hakerlik shabýylmen bailanystyrǵan bolatyn.
Internettiń jappai isten shyǵýy Almaty men Atyraý áýejaiynyń jumys josparyn buzyp, birqatar áýe reisteri ushý ýaqytyn ózgertýge májbúr bolǵan edi.
Osy máselege orai Dalanews tilshisimen az-kem áńgime-dúken qurǵan saiasattanýshy Edýard Poletaev paiymdaýynsha kibershabýyldardyń túpki sebebi elimizdegi saiasi reformalarǵa kedergi keltirý.
«Ábliazov pen Hrapýnov bastaǵan qashqyn oligarhtar Jańa Qazaqstanǵa soqtyǵýdyń amalyn tappai alasuryp júr. Sońǵy birneshe kún boiyna Qazaqstannyń internet keńistigi kibershabýylǵa ushyraýda.
Qaznettiń qol-aiaǵyn matap, memlekettik organdardyń jumysyn isten shyǵarýdy kózdegen teris piǵyldy top Qazaqstandy myqtap nysanaǵa alǵan syńaily. Sonyń kesirinen el kóleminde internettiń jyldamdyǵy baiaýlap, halyqtyń ashý-yzasyn týǵyzýda.
Kibershabýyldyń túpki sebebi belgili: Ábliazov pen Hrapýnov tandemi Jańa Qazaqstandaǵy demokratiialyq úrdisterdiń jedel júrip jatqanyna jany aýyrady. Oi erkindigi, sóz bostandyǵy degen uǵymdy monopoliialap alǵan Ábliazov eldegi oqiǵalardy qalt jibermei qadaǵalap otyr», – deidi sarapshy.
Onyń aitýynsha qazirgi biliktiń halyqqa bet buryp, «estitin el» qaǵidasyn shyn máninde júzege asyra bastaýy Áblázov qalyń aýditoriiadan aiyryp, suranystan qaldyrady. Shetelde boi tasalap júrgen saiasatker osyny oilaǵanda túni boiy kóz ilmei dóńbekship shyǵady.
Al Qazaqstannyń qaýipsizdik qurylymdary internetti baiaýlatyp, memorgandardyń jumysyna zaqym keltirgen alaiaqtardyń izin kesip, olardyń lokatsiiasyn anyqtady.
Jańa Qazaqstanǵa kesirin keltirgisi keletin qylmystyq qurylymdardyń osy maqsatta Parijde bottar ortalyǵyn ashqany belgili boldy. Bul ortalyq tez balalap, Jeneva, Kiev jáne Rigada óz jelisin ashqan.
«Bulardyń maqsaty – sailaý qarsańynda Toqaevty tildep, Prezidenttiń atyna kir keltirý. Jańa Qazaqstandy qurýǵa tosqaýyl bolý. Ábliazovtyń «feikter armiiasy» ne dáleli, ne dáiegi joq, qoldan quralǵan, oidan qurastyrylǵan sapasyz kontentti álemjelige úiip-tógip jatyr.
Muhtar men onyń jaqtastary osynaý aqparattyq shabýyldyń – bas demeýshisi. Shetelde boi tasalap júrgen qashqyn oligarhtyń Qańtar oqiǵasynan keiin eski júiemen aýyz jalasqanyn, eski júiemen astyrtyn jumys isteitinin bireý bilse, bireý bilmes. Áblázovtyń artynda ádiletti Qazaqstannyń qaǵidalarynan qoryqqan basqa da jemqorlardyń tóbesi kórinedi», – deidi bul rette Edýard Poletaev.
Esterińizge sala ketelik, eger siz aqparattyq qaýipsizdikke qatysty máselege tap bolsańyz 1400 nómirine habarlasýyńyzǵa bolady.
