Sonyń bárin eskere otyryp, Qasym-Jomart Kemeluly Toqaev búkil saiasi-ekonomikalyq júieni qaita qurý, modernizatsiia jasaý jáne ony jetildirý jolyn bastady. Bul – halyqtyń kóńilinen shyqty. Sebebi, kóptegen zańdar qabyldanyp, Konstitýtsiiaǵa ózgerister engizildi.
Endi osynyń bárin jinastyrýdyń aldynda Prezidentke halyqtyń senimi kerek. Negizi saiasatta úlken orny bar, halyqaralyq deńgeide qyzmet istegen, saiasi elitany jaqsy biletin Toqaevtyń el ishinde qadirli azamat ekeni belgili. Sondyqtan Prezidenttik sailaýdy ótkizý jáne ony bir ret jeti jyldyq merzimge ótkizý usynysy halyqtyń kóńilinen shyqty dep oilaimyn.
Sebebi, sheksiz bilik pen sheksiz bailyq qandai dárejege jetkizetinin eldiń kózi jetti. Sol úshin Qasym-Jomart Toqaevtyń bul usynysy osy reformalardy júzege asyrý úshin qajet dúnie.
Máseleniń túp tórkininde, Prezident shielinisken jaǵdaida halqyn eshqandai qiyndyqqa ushyratpai, qorǵan bolyp, áleýmettik máselelerdi alǵa qoiyp otyr.
Óitkeni halyqaralyq jaǵdai, olardyń arasyndaǵy teketires, sanktsiialardyń salynýy Qazaqstandy ainalyp ótpei, ekonomikalyq tyǵyryqqa tireýi múmkin.
Sondyqtan osy máselelerdi sheshý úshin bizge kardinalnyi ózgerister kerek. Al ony bastaý úshin prezidentke ýaqyt kerek. Bul sailaý Prezidenttiń jasap otyrǵan reformalaryna qoldaý dep túsinemin.
Ýálihan Qalijan,
Qazaqstannyń eńbek sińirgen qairatkeri, jazýshy
https://dalanews.kz/news/81691-prezidenttik-kadr-rezervi-zhastardy
https://dalanews.kz/news/81674-kremlge-eskertilgen-baydenning-ke
