Depýtat Gúlnar Bijanova Májilistiń kezekti otyrysynda ózgeristerdiń Qańtar oqiǵasynan keiin engizilgenin málimdedi.
"Qazaqstannyń keibir zańnamalyq aktilerine quqyq qorǵaý qyzmetin jetildirý máselesi boiynsha ózgerister men tolyqtyrýlar engizý týraly" zań jobasyn tanystyrǵan Gúlnar Bijanova:
"Qańtar oqiǵasy quqyq qorǵaý júiesin reformalaý boiynsha sharalar qabyldaý qajettigin kórsetti", – dedi.
Depýtattyń atap ótkenindei,
Qylmystyq kodekste TJ jaǵdaiyndaǵy jappai tártipsizdikter kezinde jáne terrorizmge qarsy operatsiia júrgizý aimaǵynda bilik ókiline baǵynbaǵany, oǵan qatysty zorlyq-zombylyq qoldanǵany, ómirine qol suqqany úshin jaýapkershilik kúsheitiledi.
Ázirgi Qylmystyq kodekstiń 379-baby boiynsha TJ kezinde bilik ókiline baǵynbaǵany úshin 2 000 AEK kóleminde (6 mln 360 myń teńge) aiyppul, 600 saǵatqa deiin qoǵamdyq jumys isteý nemese eki jylǵa deiin bas bostandyǵynan aiyrý jazasy qarastyrylǵan.
Depýtattar bul normany qatańdatyp, bas bostandyǵynan aiyrý merzimin 1 jylǵa, iaǵni 3 jylǵa deiin uzartqan. Sonymen qatar zańǵa "jappai tártipsizdik kezinde" degen sóz qosylady.
"Ekinshi blok quqyq qorǵaý organdarynyń sheshim qabyldaýdaǵy derbestigin nyǵaitý jáne basshylar jaýapkershiligin arttyrý máselelerin qarastyrady.
Biz birqatar zańǵa, atap aitqanda Qylmystyq jáne Qylmystyq is júrgizý kodeksterine, "Tótenshe jaǵdai týraly", "Áskeri jaǵdai týraly", "Ulttyq ulan týraly" jáne basqa da zańdarǵa ózgerister engizýdi usynamyz. Jańa quram úshin qylmystyq jaýapkershilik engizilip jatyr", - dedi Bijanova.
Kelesi 370-2 bap - "Quqyq qorǵaý organy nemese arnaýly memlekettik organ qyzmetkeriniń qyzmettik mindetterin oryndaýdan bas tartýy nemese jaltarýy".
Onda 120 AEK mólsherinde aiyppul salýdan 3 jyldan 10 jylǵa deiingi merzimge bas bostandyǵynan aiyrý túrindegi neǵurlym qatań jaza qarastyrylǵan.
"452-1-bapqa toqtalǵym keledi - "Basshynyń qyzmettegi áreketsizdigi".
Bul bap boiynsha tótenshe jaǵdai kezinde beibit halyqtyń ómiri men densaýlyǵyna tikelei qater tóngen, ǵimarattardy basyp alý, múlikti talan-tarajǵa salý, tonaý bolyp jatqan jaǵdaida jergilikti basshylardyń áreketsizdigi úshin 7 jylǵa deiingi merzimge bas bostandyǵyn shekteý ne sol merzimge bas bostandyǵynan aiyrý túrindegi qylmystyq jaýaptylyq kózdeledi.
Munyń bárin qańtarda baiqadyq. Bul jaýapsyzdyq jáne qylmys. Ásirese, lańkestikke ulasqan jappai tártipsizdikter kezinde", - dedi depýtat.
