Jańa Qazaqstan týraly ázilden keiin qamaýǵa alynǵan ázilkesh Aleksandr Merkýl bostandyqqa shyqty, - dep habarlaidy Dalanews.kz.
Bul týraly Aleksandr Merkýldiń ózi áleýmettik jelidegi paraqshasynda aitty. Astanalyq stendaper Aleksandr Merkýl 10 táýlik qamaýda otyryp shyqty.
"Úidemin, qoldap jatqan barlyq janǵa raqmet, bárińdi jaqsy kóremin", - dep jazǵan ol.
Aita keteiik, buǵan deiin Astanalyq stendaper Aleksandr Merkýl 10 táýlikke qamaýǵa alynǵany belgili boldy. Bul aqparatty Astananyń mamandandyrylǵan aýdanaralyq soty rastady. Ázilkeshtiń qamaýǵa alynýyna onyń jańa Qazaqstan týraly ázildep, bylapyt sózderi sebep bolǵan kórinedi.
"Sot otyrysynda A.I.Merkýl óz kinásin tolyq moiyndap, jasaǵan áreketine ókinip, sotqa 2024 jylǵy 7 maýsymdaǵy videoda aty atalǵandar men balaǵat sózder ázil qoiylym retinde aitylǵanyn atap ótti", - dep jazylǵan sot úkiminde.
