Jańa jyl qarsańynda alaiaqtar óz áreketterin kúsheitti,dep habarlaidy Dalanews.kz.
Quqyq qorǵaý organdarynyń málimetinshe, alaiaqtar animatsiiasy men áýeni bar jalǵan «jańa jyldyq ashyqhattardy» taratyp jatyr. Mundai faildardyń ishinde ziiandy baǵdarlama bolady. Ony ashqan jaǵdaida qurylǵyǵa virýs ornatylyp, ol parolderge, bank kartalarynyń derekterine jáne mobildi qosymshalarǵa qol jetkizýi múmkin.
Sonymen qatar, alaiaqtar taýarlar men syilyqtardy ádeii tómen baǵamen usynyp, jalǵan habarlandyrýlar jariialaidy. Olar satyp alýshylardy aqshany shuǵyl aýdarýǵa kóndirip, qarajat túskennen keiin habarlandyrýdy óshirip, bailanysqa shyqpai qoiady.
Politsiia azamattarǵa beitanys satýshylarǵa aldyn ala aqsha aýdarmaýǵa, akkaýnttardyń tarihy men pikirlerin muqiiat tekserýge, tek senimdi onlain-dúkenderdi paidalanýǵa keńes beredi. Sondai-aq belgisiz jiberýshilerden kelgen faildar men siltemelerdi ashpaý qajet. ".apk" dep jazylǵan faildardy birden joiý usynylady.
