2025 jyldyń 28 naýryzynda Batys Qazaqstan oblysynda óńirdiń mádeni ómiri úshin mańyzdy oqiǵa oryn aldy – Kaztalov jáne Aqjaiyq aýdandarynda aýyl kitaphanalarynyń bazasynda eki “Jaña Klub” komiýniti-ortalyǵy ashyldy, dep habarlaidy Dalanews.kz
Bul – dástúrli kitaphanalardy jańǵyrtýǵa baǵyttalǵan mańyzdy bastamanyń jalǵasy. Endi aýyl turǵyndary tek kitap oqyp qana qoimai, sonymen qatar bilim berý jáne mádeni sharalarǵa qatysa alady.
Ashylý saltanatyna Batys Qazaqstan oblysy ákiminiń orynbasary Baqytjan Narymbetov, «Qazaqstan halqyna» qorynyń tóraiymy Lázzat Chinkisbaeva, «Qazaqstan halqyna» qorynyń orynbasary Sofiia Aisagalieva jáne TANA qorynyń negizin qalaýshy Kamila Lýkpanova qatysty. Sonymen qatar, jergilikti halyq ókilderi men balalar da qonaq boldy.
«Kaztalov jáne Aqjaiyq aýdandarynda zamanaýi kitaphanalardyń ashylýy – óńirimizdiń mádeni jáne bilim berý infraqurylymyn damytýdaǵy mańyzdy qadam. Endi turǵyndar úshin jai ǵana kitaphana emes, bilim, shyǵarmashylyq jáne qarym-qatynas ortalyǵy paida boldy. Mundai bastamalar jerlesterimizdiń áleýetin ashýǵa, kitap oqýǵa degen súiispenshilikti arttyrýǵa jáne ózin-ózi damytýǵa jańa múmkindikter ashýǵa kómektesedi dep senemiz», - dep atap ótti Batys Qazaqstan oblysy ákiminiń orynbasary Baqytjan Narymbetov.
Joba «Qazaqstan halqyna» qorynyń qaiyrymdylyq bastamasy aiasynda, Batys Qazaqstan oblysy ákimdiginiń qoldaýymen júzege asyrylýda.
«Biyl 23 sáýirde Qazaqstanda alǵash ret Prezident Qasym-Jomart Toqaevtyń jarlyǵymen belgilengen Ulttyq kitap kúni atalyp ótedi. Biz osy mańyzdy oqiǵanyń bir bóligi bolyp, kitaphanalardy jańǵyrtýǵa óz úlesimizdi qosyp jatqanymyzǵa qýanyshtymyz. Zamanaýi komiýniti-ortalyqtar – bul jai ǵana jańa qabyrǵalar men kitaptar emes, olar – bilim jandanyp, talanttar ashylyp, mádeni dástúrler nyǵaia túsetin múmkindikter ortalyǵy. Árbir kelýshi – bala bolsyn, eresek bolsyn – munda álemdik bilim resýrstaryna qoljetimdilik, shyǵarmashylyq sheberhanalar nemese erkin qarym-qatynas alańdary ishinen ózine qundy nárse tabady dep senemiz. Bul – bolashaqqa jasalǵan investitsiia, jáne biz seriktesterimizben birge mádeniet pen bilimdi óńir turǵyndary úshin shyn máninde qoljetimdi etýdemiz», - «Qazaqstan halqyna» qorynyń tóraiymy Lázzat Chinkisbaeva.
«Qazaqstan halqyna» qory 25 kitaphanany zamanaýi jabdyqtarmen qamtamasyz etýge jáne kitap qoryn jańartýǵa 797 mln teńge bóldi. Batys Qazaqstan oblysynyń ákimdigi ǵimarattardy jóndeýge 197,8 mln teńge qarjy saldy. TANA qory jobalyq basqarýdy uiymdastyrýǵa 53,5 mln teńge baǵyttasa, qyzmetkerlerdi oqytýdy qamtamasyz etetin «Jas kóshbasshylar qaýymdastyǵy» QB 22,67 mln teńge bóldi. Jobanyń jalpy biýdjeti – 1 070 936 284 teńgeni quraidy.
Óńirde 2025 jyldyń sońyna deiin 9 myń sharshy metr kitaphana keńistigin qaita jańǵyrtý, sondai-aq 100-den astam kitaphanashyny arnaiy qaita daiarlyqtan ótkizý josparlanýda. Komiýniti-ortalyqtar 130 myńnan astam adamdy qamti otyryp, turǵyndarǵa bilim berý resýrstaryna, sheberlik sabaqtaryna jáne mádeni is-sharalarǵa qol jetkizýge múmkindik beredi. «Jaña Klub» jobasy aiasyndaǵy 25 kitaphananyń barlyǵy sáýir aiynyń sońyna deiin ashylady dep kútilýde. Búgingi tańda baǵdarlama aiasynda 12 komiýniti-ortalyq jańǵyrtyldy.
Aita ketý kerek, sáýir aiynda Qazaqstan alǵash ret Kitap kúnin atap ótedi, bul kitaphanalardyń eldiń mádeni ómirindegi ósip kele jatqan rólin kórsetedi.
Komiýniti-ortalyqtar barlyq jastaǵy turǵyndardyń qajettilikterine baǵyttalǵan. Munda oqýshylar, stýdentter, jergilikti belsendiler, aǵa býyn ókilderi jáne qoǵam músheleri ýaqyttaryn tiimdi ótkize alady.
Jańartylǵan keńistikterdiń ereksheligi – olardyń mýltifýnktsionaldyǵy. Mysaly, 725 sharshy metrdi alyp jatqan Aqjaiyq aýdanyndaǵy komiýniti-ortalyq kelýshilerge biregei taqyryptyq aimaqtardy usynady: dástúrli mýzyka áýesqoilary úshin «Dombyra» jáne «Án-kúi», qolónermen ainalysatyndar úshin «Tigin», al otbasylyq demalys úshin jaily «Ana men bala» aimaǵy. Sondai-aq, munda qaýipsiz internet jáne zamanaýi web-55 júiesi qarastyrylǵan, bul kitaphanany tek oqý orny ǵana emes, bilim alatyn jáne shyǵarmashylyq kezdesýler uiymdastyratyn yńǵaily alańǵa ainaldyrady.
Kem túspeitin taǵy bir qyzyqty komiýniti-ortalyq Kaztalov aýdandyq kitaphanasynda quryldy. 662 sharshy metrdi qamtityn bul keńistikte ádebiet talqylanatyn «Sana» oqyrman klýby, qoldanbaly ónerge qyzyǵatyndar úshin «Sheber qoldar» klýby, jáne sýretshiler óz tájiribesimen bólisip, shabyt alatyn «Mozaika» shyǵarmashylyq birlestigi jumys isteidi.
Kitaphanalardyń ózgerýi Qazaqstandaǵy bilim berý jáne mádeni infraqurylymdy damytýǵa belsendi qatysyp otyrǵan TANA qorynyń qoldaýynyń arqasynda múmkin boldy. Qordyń kómegimen kitaphanalarda innovatsiialyq bilim berý baǵdarlamalary, interaktivti aimaqtar jáne tehnologiialyq sheshimder engiziletin bolady, bul halyq arasynda kitap oqý mádenietin damytýǵa yqpal etedi.
«Kitaphanalardy jańǵyrtý – bul jai ǵana ǵimarattardy jóndeý emes, bul – bilim alý, shyǵarmashylyqpen ainalysý jáne qarym-qatynas jasaýǵa arnalǵan zamanaýi ortalyqtar qurý. Biz mundai komiýniti-ortalyqtar oqý mádenietin nyǵaitýǵa kómektesedi jáne jergilikti qaýymdastyqtardyń ómiriniń mańyzdy bóligine ainalady dep senemiz», – dep atap ótti TANA qorynyń negizin qalaýshy Kamila Lýkpanova.
Kitaphana qorlaryn tolyqtyrýǵa 68 million teńgeden astam qarjy bólindi. Qorǵa 800-den astam jańa kitap qosylady, onyń ishinde qazaqstandyq jáne sheteldik avtorlardyń eńbekteri bar. Sonymen qatar, kitaphanalar zamanaýi mýzykalyq aspaptarmen, ústel oiyndarymen, tigin jáne qolóner jabdyqtarymen qamtamasyz etiledi. Jańa komiýniti-ortalyqtar belsendi demalysqa, kezdesýlerge jáne bilim berý bastamalaryna jaǵdai jasaidy.
Óńirdegi kitaphanalardy jańǵyrtý óz tiimdiligin kórsetip úlgerdi – jańartylǵan komiýniti-ortalyqtarǵa kelýshiler sany artty, al mádeni jáne bilim berý baǵdarlamalary jergilikti turǵyndardyń úlken qyzyǵýshylyǵyn týdyrdy. Kaztalov jáne Aqjaiyq aýdandaryndaǵy kitaphanalar da kitap oqýmen qatar, ózin-ózi damytý, shyǵarmashylyq jáne qarym-qatynas múmkindikterin usynatyn tanymal qoǵamdyq komiýniti-ortalyqtarǵa ainalady dep kútilýde.
Qaiyrymdylyq joba aiasynda óńirdegi kitaphanalar tek oqý orny ǵana emes, árbir turǵyn ózine paidaly ári qyzyqty nárse taba alatyn zamanaýi ortalyqtarǵa ainalmaq.
