– Mundaı másele talqylanyp jatyr. Esterińizde bolsa, Vladımır Bojko tótenshe jaǵdaı mınıstri bolǵan kezde, aýa raıynyń qolaısyzdyǵyna baılanysty trassa jabylǵanyna qaramastan jolǵa shyqqan júrgizýshilerdi jaýapqa tartýdy usynǵan bolatyn. Qazir bul másele de talqylanyp jatyr, – dedi ishki ister mınıstrligi tótenshe jaǵdaılar komıtetiniń tóraǵasy Vladımır Bekker úkimette BAQ ókilderine.
Bekkerdiń sózinshe, jańa normany ákimshilik quqyq buzýshylyqtar týraly kodekske engizý usynylyp otyr.
Qazaqstan avtojoldarynda aýa raıynyń nasharlaýyna baılanysty qozǵalys toqtatylady. Jolda qalǵan júrgizýshiler 1403 nómirine habarlasyp, kómek suraı alady.
Buǵan deıin Bekker soltústik oblystarda jaǵdaı áli de kúrdeli ekenin, keı óńirlerde tótenshe jaǵdaı jarıalanýy múmkin ekenin aıtty.
