– مۇنداي مەسەلە تالقىلانىپ جاتىر. ەستەرٸڭٸزدە بولسا, ۆلاديمير بوجكو تٶتەنشە جاعداي مينيسترٸ بولعان كەزدە, اۋا رايىنىڭ قولايسىزدىعىنا بايلانىستى تراسسا جابىلعانىنا قاراماستان جولعا شىققان جٷرگٸزۋشٸلەردٸ جاۋاپقا تارتۋدى ۇسىنعان بولاتىن. قازٸر بۇل مەسەلە دە تالقىلانىپ جاتىر, – دەدٸ ٸشكٸ ٸستەر مينيسترلٸگٸ تٶتەنشە جاعدايلار كوميتەتٸنٸڭ تٶراعاسى ۆلاديمير بەككەر ٷكٸمەتتە باق ٶكٸلدەرٸنە.
بەككەردٸڭ سٶزٸنشە, جاڭا نورمانى ەكٸمشٸلٸك قۇقىق بۇزۋشىلىقتار تۋرالى كودەكسكە ەنگٸزۋ ۇسىنىلىپ وتىر.
قازاقستان اۆتوجولدارىندا اۋا رايىنىڭ ناشارلاۋىنا بايلانىستى قوزعالىس توقتاتىلادى. جولدا قالعان جٷرگٸزۋشٸلەر 1403 نٶمٸرٸنە حابارلاسىپ, كٶمەك سۇراي الادى.
بۇعان دەيٸن بەككەر سولتٷستٸك وبلىستاردا جاعداي ەلٸ دە كٷردەلٸ ەكەنٸن, كەي ٶڭٸرلەردە تٶتەنشە جاعداي جارييالانۋى مٷمكٸن ەكەنٸن ايتتى.
