Búgin Qaraǵandynyń Kazybek bi aýdandyq soty QR Qylmystyq kodeksiniń 405 baby boiynsha («Ekstremistik nemese terrorlyq qyzmeti úshin sot sheshimimen jabylǵan qoǵamdyq nemese dini uiymnyń qyzmetin uiymdastyrý» Qaraǵandy oblysynyń úsh turǵynyna aiyptaý úkimin shyǵardy.
Qazaqstanda tyiym salynǵan «Tabliǵi Jamaǵat» uiymynyń uiashyǵyna jetekshilik etti delingen Aidyn Shákentaev eki jarym jylǵa sottaldy. Sot oryndyǵynda otyrǵan Murat Shópenov pen Baýyrjan Serikovter eki jylǵa bas bostandyǵynan aiyryldy. Úkimge sáikes, jaza merzimin óteý tolar ustalǵan 2015 jyldyń qazan aiynan bastalady.
Ótken aida Astanada «Tabliǵi Jamaǵatqa» qatysy bar degen aiyppen bes adamǵa úkim shyqty. Olar da ekiden eki jarym jylǵa deiin sottaldy.
«Tabliǵi Jamaǵat» uiymyn 2013 jyly Astana qalasynyń soty ekstremistik dep tanyǵan. Qazaqstan biliginiń pikirinshe, uiym halifat qurýdy kózdeidi.
