بٷگٸن قاراعاندىنىڭ كازىبەك بي اۋداندىق سوتى قر قىلمىستىق كودەكسٸنٸڭ 405 بابى بويىنشا («ەكسترەميستٸك نەمەسە تەررورلىق قىزمەتٸ ٷشٸن سوت شەشٸمٸمەن جابىلعان قوعامدىق نەمەسە دٸني ۇيىمنىڭ قىزمەتٸن ۇيىمداستىرۋ» قاراعاندى وبلىسىنىڭ ٷش تۇرعىنىنا ايىپتاۋ ٷكٸمٸن شىعاردى.
قازاقستاندا تىيىم سالىنعان «تابليعي جاماعات» ۇيىمىنىڭ ۇياشىعىنا جەتەكشٸلٸك ەتتٸ دەلٸنگەن ايدىن شەكەنتاەۆ ەكٸ جارىم جىلعا سوتتالدى. سوت ورىندىعىندا وتىرعان مۇرات شٶپەنوۆ پەن باۋىرجان سەرٸكوۆتەر ەكٸ جىلعا باس بوستاندىعىنان ايىرىلدى. ٷكٸمگە سەيكەس, جازا مەرزٸمٸن ٶتەۋ تولار ۇستالعان 2015 جىلدىڭ قازان ايىنان باستالادى.
ٶتكەن ايدا استانادا «تابليعي جاماعاتقا» قاتىسى بار دەگەن ايىپپەن بەس ادامعا ٷكٸم شىقتى. ولار دا ەكٸدەن ەكٸ جارىم جىلعا دەيٸن سوتتالدى.
«تابليعي جاماعات» ۇيىمىن 2013 جىلى استانا قالاسىنىڭ سوتى ەكسترەميستٸك دەپ تانىعان. قازاقستان بيلٸگٸنٸڭ پٸكٸرٸنشە, ۇيىم حاليفات قۇرۋدى كٶزدەيدٸ.
