Jambyldaǵy jarylys: Qaza tapqandar sany 17-ge jetti
"Búgin Jambyl oblysyndaǵy jarylystan zardap shekken 1993 jyly týǵan órt sóndirýshi mert boldy. Ol buǵan deiin Nur-Sultan qalasyndaǵy travmatologiia jáne ortopediia ǵylymi-zertteý institýtynyń aýrýhanasyna jetkizilip, sol jerde em alyp jatqan bolatyn", - delingen habarlamada.
Osylaisha jarylystan qaza tapqandar sany 17-ge jetti. Sondai-aq, joǵalǵan taǵy bir adam izdestirilip jatyr.
Eske salaiyq, 26 tamyz kúni keshke Taraz mańyndaǵy injenerlik oq-dáriler saqtalatyn áskeri bólimniń qoimasynan órt shyqty. Órt saldarynan onǵa jýyq jarylys boldy. Nátijesinde 100-ge jýyq zardap shegýshi aýrýhanalarǵa jatqyzyldy, onyń 49-y tótenshe jaǵdailar ministrliginiń qyzmetkerleri. Sońǵy málimetter boiynsha qaza tapqandar sany 15 adamǵa jetti.
Prezident Qasym-Jomart Toqaev 29 tamyzdy Jalpyulttyq aza tutý kúni dep jariialaǵan bolatyn. Keiin Prezident qaza tapqandardy marapattaǵan. Sondai-aq qorǵanys ministri Nurlan Ermekbaev otstavkaǵa ketti.
Derekkóz: stan.kz
