Jambyl oblysynyń burynǵy ákimi Kárim Kókirekbaev 12 jylǵa sottaldy, dep habarlaidy Dalanews.kz.
Sotpen anyqtalǵany: Kókirekbaev pen A. laýazymdy tulǵalar bola otyryp, TOO direktory P.-men sóz bailasyp, oryndalǵan jumystar aktilerine kedergisiz qol qoiý úshin odan asa iri mólsherde para alǵan. Sondai-aq, P. shyn máninde oryndalmaǵan qurylys-montaj jumystarynyń aktilerine qol qoiýdy uiymdastyrǵan.
Osy áreketterdiń saldarynan memlekettik mekemege 1 987 827 622,63 teńge kóleminde zalal keltirilgen.
Alqabilerdiń úkimimen Kókirekbaev pen A. Qylmystyq kodekstiń 366-babynyń 4-bóligi boiynsha, al P. – 195-babynyń 4-bóliginiń 2) tarmaǵy jáne 367-babynyń 4-bóligi boiynsha kináli dep tanyldy.
Sot úkimimen Kókirekbaev12 jylǵa, A. men P.-ǵa 11 jylǵa bas bostandyǵynan aiyrý jazasy taǵaiyndaldy. Sottalǵandar ómir boiyna memlekettik qyzmette laýazymdy qyzmet atqarý quqyǵynan aiyryldy. Úkim zańdy kúshine engen joq.
2024 jyldyń 7 maýsymynda Almaty oblysynyń qylmystyq ister jónindegi mamandandyrylǵan aýdanaralyq soty QR TJM "Qazseldenqorǵaý" MM burynǵy basshysy Kárim Kókirekbaevty sybailas jemqorlyq isi boiynsha aqtaǵan.
Onyń orynbasary Ahataev para alǵany úshin, al Bazis Construction Infr JShS filialynyń direktory Poplavskii asa iri mólsherde para bergeni úshin kináli dep tanyldy.
"Almaty oblysy qylmystyq ister jónindegi mamandandyrylǵan aýdanaralyq soty 2024 jyldyń 7 maýsymdaǵy alqabilerdiń qatysýymen Kárim Kókirekbaevqa, Ádil Ahataevqa, Andrei Poplavskiiǵa shyqqan úkimniń kúshi joiylsyn. Qylmystyq is basty sot talqylaýyn ótkizý úshin is qaralǵan sotqa joldansyn", - delingen is materialdarynda.
Orynbasary jáne para berýshi JShS direktory – ekeýi de sot sheshimimen 11 jylǵa sottaldy.
Almaty oblysynyń prokýratýrasy birinshi satydaǵy sottyń qatelikterine bailanysty Kókrekbaev úkimine apelliatsiialyq shaǵym túsirdi.
2024 jylǵy 25 shildede Almaty oblystyq soty apelliatsiiany qanaǵattandyryp, isti qaitadan qaraýǵa jiberdi. Úkimniń kúshin joidy. Kárim Kókrekbaev sot zalynda qamaýǵa alyndy.
Aita keteiik, 2023 jyldyń mamyr aiynda Antikor osy is boiynsha aiyptylar kásipkerlerden 396 million teńge para alǵanyn jariialady.Onyń ustalǵany týraly 2022 jyldyń 27 jeltoqsanynda belgili boldy.
Eske salaiyq, Kárim Kókirekbaev ár jyldary Jambyl oblysy Moiynqum aýdanynyń ákimi, Tabiǵi resýrstar jáne qorshaǵan ortany qorǵaý vitse-ministri, "EirQazaqTýr" JShS-niń bas direktory, "Qazaqstan temir joly" Ulttyq kompaniiasynyń vitse-prezidenti, basqarýshy direktory, damý jónindegi vitse-prezidenti, bas injeneri bolyp qyzmet etken. Jambyl oblysy ákiminiń orynbasary, Jambyl oblysy ákimniń birinshi orynbasary laýazymynda boldy.
