Jambyl oblysyndaǵy jer silkinisinen ǵimarattardyń qabyrǵalarynda jaryqtar paida boldy. Bul týraly oblys ákimdigi málimdedi, – dep habarlaidy Dalanews.kz.
28 naýryzda túnde Jambyl oblysynyń birqatar aýdany men Taraz qalasynda jer silkinisi tirkeldi.
Jer asty dúmpýiniń joǵary qarqyny – 5 ball, bul Merki aýdanyndaǵy Merki aýylynda tirkeldi.
T.Rysqulov aýdanynyń Qulan aýylynda jer silkinisiniń kúshi 4 ball, Taraz, Shý qalalarynda, Qordai, Moiynqum aýdandarynda 2 ball boldy.
Oblys ákiminiń tapsyrmasyna sáikes oblystyq jedel shtab jumys istep jatyr. Zardap shekkender týraly málimet joq.
"Aldyn ala málimet boiynsha T.Rysqulov aýdany Qaraqystaq aýylyndaǵy Mádeniet úii, Merki aýdandyq aýrýhanasy, Oital aýylyndaǵy mektep ǵimaratynyń qabyrǵasynda jaryq paida bolǵany anyqtaldy. Basqa nysandar týraly aqparat naqtylanyp jatyr", - dep jazylǵan habarlamada.
Aimaq basshysy Erbol Qarashókeev jaǵdaimen tanysý úshin T.Rysqulov jáne Merki aýdandaryna bardy.
Aita keteiik, 8(7262)513575 nómiri boiynsha jedel jeli iske qosylǵan.
