Jambyl oblysynda avtorlardyń ruqsatynsyz kitap kóshirmelerin satqan tulǵadan moraldyq zıan óndirildi, dep habarlaıdy Dala News.

Mamandandyrylǵan aýdanaralyq ekonomıkalyq sottyń málimetinshe, sot sheshimimen jaýapkerden ár talapkerdiń paıdasyna 100 myń teńgeden moraldyq ótemaqy, sondaı-aq sot shyǵyndary óndirilgen.

Sot anyqtaǵandaı, talapkerler eki ádebı shyǵarmanyń avtorlyq quqyq ıeleri bolyp tabylady. Bul quqyqtar memlekettik tizilimdegi tıisti kýáliktermen rastalǵan.

İs materıaldaryna sáıkes, 2025 jyly avtorlar óz kitaptarynyń kóshirmeleri Kaspi Magazın platformasy arqyly olardyń kelisiminsiz jáne belgilengen baǵadan tómen satylyp jatqanyn anyqtaǵan.

Sot barysynda bul derek kitap satyp alý beınejazbalary jáne baspa ókilderiniń kýálikteri arqyly dáleldendi. Mamandar zańsyz satylǵan kitaptardyń túpnusqadan baspa sapasy men bezendirilýi boıynsha aıtarlyqtaı aıyrmashylyǵy bar ekenin aıtqan.

Sot jaýapkerdiń áreketi avtorlardyń aıryqsha jáne jeke múliktik emes quqyqtaryn buzǵan degen qorytyndyǵa keldi.

Sot sheshimi ázirge zańdy kúshine engen joq.