جامبىل وبلىسىندا اۆتورلاردىڭ رۇقساتىنسىز كٸتاپ كٶشٸرمەلەرٸن ساتقان تۇلعادان مورالدىق زييان ٶندٸرٸلدٸ, دەپ حابارلايدى Dala News.
مامانداندىرىلعان اۋدانارالىق ەكونوميكالىق سوتتىڭ مەلٸمەتٸنشە, سوت شەشٸمٸمەن جاۋاپكەردەن ەر تالاپكەردٸڭ پايداسىنا 100 مىڭ تەڭگەدەن مورالدىق ٶتەماقى, سونداي-اق سوت شىعىندارى ٶندٸرٸلگەن.
سوت انىقتاعانداي, تالاپكەرلەر ەكٸ ەدەبي شىعارمانىڭ اۆتورلىق قۇقىق يەلەرٸ بولىپ تابىلادى. بۇل قۇقىقتار مەملەكەتتٸك تٸزٸلٸمدەگٸ تيٸستٸ كۋەلٸكتەرمەن راستالعان.
ٸس ماتەريالدارىنا سەيكەس, 2025 جىلى اۆتورلار ٶز كٸتاپتارىنىڭ كٶشٸرمەلەرٸ Kaspi ماگازين پلاتفورماسى ارقىلى ولاردىڭ كەلٸسٸمٸنسٸز جەنە بەلگٸلەنگەن باعادان تٶمەن ساتىلىپ جاتقانىن انىقتاعان.
سوت بارىسىندا بۇل دەرەك كٸتاپ ساتىپ الۋ بەينەجازبالارى جەنە باسپا ٶكٸلدەرٸنٸڭ كۋەلٸكتەرٸ ارقىلى دەلەلدەندٸ. ماماندار زاڭسىز ساتىلعان كٸتاپتاردىڭ تٷپنۇسقادان باسپا ساپاسى مەن بەزەندٸرٸلۋٸ بويىنشا ايتارلىقتاي ايىرماشىلىعى بار ەكەنٸن ايتقان.
سوت جاۋاپكەردٸڭ ەرەكەتٸ اۆتورلاردىڭ ايرىقشا جەنە جەكە مٷلٸكتٸك ەمەس قۇقىقتارىن بۇزعان دەگەن قورىتىندىعا كەلدٸ.
سوت شەشٸمٸ ەزٸرگە زاڭدى كٷشٸنە ەنگەن جوق.
