Jambyl oblysyndaǵy aýyldardyń birinde 16,8 million teńgege tikelei kelisimshart jasalǵan, dep habarlaidy Dalanews.kz.
Goszakupturaly arnasy atalǵan kelisimsharttyń kúmándi tustaryna nazar aýdardy.
“Kelisimniń qysqasha sipattamasynda avtobýs aialdamasy men qoqys jáshigi satyp alynatyny ǵana kórsetilgen. Alaida satyp alýdyń tehnikalyq sipattamasy múlde joq, tek smeta tirkelgen”, - deidi derekkóz.
Biraq smetadaǵy sandardyń ózi kelisimsharttaǵy jalpy somamen de, satyp alý nysanymen de sáikes kelmeidi.
“Máselen, avtobýs aialdamasyn jasaý úshin 456 sharshy metr proflist qajet dep kórsetilgen. Al kádimgi aialdamanyń aýmaǵy shamamen 6 sharshy metr ǵana.
Endi qiialdap kóreiik: aialdamany tolyqtai proflistpen ainaldyra qaptap, ony eki qabat etip jasasa da, eń kóp degende 60 sharshy metr shamasynda ǵana material qajet bolar edi. Sonda qalǵan 400 sharshy metr proflist ne úshin kerek?”, - dep qosty derekkóz.
Sonymen qatar satyp alýda KTRÝ kody da qate kórsetilgen. Metallokonstrýktsiia daiyndaýdyń ornyna esik nemese qaqpa jasaý qyzmeti jazylyp ketken.
Degenmen bul tikelei kelisimsharttaǵy eń úlken másele emes. Eń kúmándi tusy - bir ǵana avtobýs aialdamasyna 16,8 million teńge bólinýi.
“Úlken qalalarmen salystyrmai-aq, uqsas eldi mekenderdegi osyndai jobalarǵa nazar aýdaraiyq. Máselen, biyl naýryz aiynda Nura aýylynda dál osyndai aialdamalar konkýrs arqyly satyp alynǵan. Baiqaýǵa úsh kompaniia qatysyp, nátijesinde 4,3 million teńgege 14 aialdama ornatylǵan”, - dep tolyqtyrdy arna.
Iaǵni, bir aialdamanyń quny bul jerde shamamen birneshe ese ǵana emes, ondaǵan ese arzan. Jalpy aiyrmashylyqty eseptesek, shamamen 50 esege deiin jetedi.
“Mundai aiyrmashylyq qaǵaz júzinde de senimsiz kórinedi. Baǵany qansha jerden negizsiz kóterse de, mundai alshaqtyq aqylǵa syimaidy.
Sondyqtan bul jerde ne bir emes, birneshe aialdama satyp alynǵan bolýy múmkin, ne bolmasa bir avtobýsqa arnalǵan qarapaiym aialdama emes, avtobýstar toqtaityn úlken keshen - shaǵyn avtovokzal sekildi nysan qarastyrylǵan shyǵar”, - deidi Goszakupturaly derekkózi.
Alaida muny naqty bilý múmkin emes. Sebebi satyp alý qujattarynda eshqandai naqty aqparat berilmegen. Tirkelgen smeta da qisynsyz sandarǵa toly tek formaldy sipatta jazylǵan.
