Jambyl oblysynda 42 eldi mekendi sý basý qaýpi joǵary - TJM

Qarakóz Amantaı 29 sáý. 2024 15:05 2759

Tótenshe jaǵdaılar departamenti mamandarynyń aıtýynsha, nóser jaýyn jaýsa, Shý, Tala men Asa ózenderiniń sý deńgeıi kóterilip, mańaıdaǵy eldi mekenderdi sý basyp qalýy múmkin, Dalanews.kz “Habar 24” arnasyna siltep.

Teris-Ashybulaq sý qoımasynyń ruqsat etilgen kólemi 158,5 mıllıon tekshe metr sýdy quraıdy. Qazir ol 97% toly. Sý qoımadan asyp ketpeý úshin Asa ózenine quıylady. Ádette, aǵyzylatyn sý sekýndyna 15 tekshe metrden aspasa, qazir ony 40-qa deıin arttyrǵan. 

Bul jaǵdaı Jambyl oblysyndaǵy sý qoımasynyń mańynda ornalasqan úı ıelerin alańdatty. Olar 7 jyl buryn Asa ózeniniń arnasynan asqan sý aýlalardy basyp ketkenin aıtady. Aýyl turǵyndary Asa ózeniniń tasýy qaıtalanady dep qaýiptenedi. 

"Jyldan jylǵa aýylǵa sý jaqyndap keledi. Sol sebepti sý basady dep qorqamyz. Bul jerde ózenniń tasýyna jol bermeý úshin jaǵalaýlardy nyǵaıtý qajet. Qazir jańbyr jaýyp, sý deńgeıi kóterilýi múmkin. Tótenshe jaǵdaılar departamentiniń mamandary Asa ózeninen eldi mekenderdi sý basý qaýpin joqqa shyǵarmaıdy. Bul qatty jańbyrdyń saldarynan bolýy múmkin", – deıdi Báıterek aýylynyń turǵyny Qurmanbek Esimbekov.

Óńirde aýa raıyna baılanysty eskertý jarıalandy. 

"Sınoptıkter jaýyn-shashyn normadan joǵary bolady degen boljam jasady. Ondaı jaǵdaıda Teris-Ashybulaq sý qoımasynan budan da joǵary tekshe santımetr sý shyǵýy múmkin. Sol arqyly Jambyl oblysyndaǵy 4 eldi mekendi sý basý qaýpi tónip tur. Oblysymyzda ornalasqan gıdrotehnıkalyq qurylystardyń toltyrylýyna kúndelikti monıtorıń júrgizilip otyr", – dedi tótenshe jaǵdaılar departamenti basshysynyń mindetin atqarýshy Darhan Japarov. 

Oblystyń barlyq gıdrotehnıkalyq qurylystarynyń jalpy tolymdylyǵy 87% quraıdy. Jambyl aýdanynyń qaýipti ýchaskelerin jumys toby zerttedi. Sarapshylar jergilikti atqarýshy organdarǵa jaǵalaýdy nyǵaıtýdy usyndy. Sonymen qatar, Shý, Talas ózenderindegi sý deńgeıiniń joǵarylaýyna baılanysty olardyń janynda ornalasqan 42 eldi mekendi sý basý qaýpi joǵary. Óńirdegi sý qoımalarynyń jaı-kúıi mamandardyń erekshe baqylaýyna alyndy.


Usynylǵan
Sońǵy jańalyqtar