تٶتەنشە جاعدايلار دەپارتامەنتٸ ماماندارىنىڭ ايتۋىنشا, نٶسەر جاۋىن جاۋسا, شۋ, تالا مەن اسا ٶزەندەرٸنٸڭ سۋ دەڭگەيٸ كٶتەرٸلٸپ, ماڭايداعى ەلدٸ مەكەندەردٸ سۋ باسىپ قالۋى مٷمكٸن, Dalanews.kz “حابار 24” ارناسىنا سٸلتەپ.
تەرٸس-اششىبۇلاق سۋ قويماسىنىڭ رۇقسات ەتٸلگەن كٶلەمٸ 158,5 ميلليون تەكشە مەتر سۋدى قۇرايدى. قازٸر ول 97% تولى. سۋ قويمادان اسىپ كەتپەۋ ٷشٸن اسا ٶزەنٸنە قۇيىلادى. ەدەتتە, اعىزىلاتىن سۋ سەكۋندىنا 15 تەكشە مەتردەن اسپاسا, قازٸر ونى 40-قا دەيٸن ارتتىرعان.
بۇل جاعداي جامبىل وبلىسىنداعى سۋ قويماسىنىڭ ماڭىندا ورنالاسقان ٷي يەلەرٸن الاڭداتتى. ولار 7 جىل بۇرىن اسا ٶزەنٸنٸڭ ارناسىنان اسقان سۋ اۋلالاردى باسىپ كەتكەنٸن ايتادى. اۋىل تۇرعىندارى اسا ٶزەنٸنٸڭ تاسۋى قايتالانادى دەپ قاۋٸپتەنەدٸ.
"جىلدان جىلعا اۋىلعا سۋ جاقىنداپ كەلەدٸ. سول سەبەپتٸ سۋ باسادى دەپ قورقامىز. بۇل جەردە ٶزەننٸڭ تاسۋىنا جول بەرمەۋ ٷشٸن جاعالاۋلاردى نىعايتۋ قاجەت. قازٸر جاڭبىر جاۋىپ, سۋ دەڭگەيٸ كٶتەرٸلۋٸ مٷمكٸن. تٶتەنشە جاعدايلار دەپارتامەنتٸنٸڭ ماماندارى اسا ٶزەنٸنەن ەلدٸ مەكەندەردٸ سۋ باسۋ قاۋپٸن جوققا شىعارمايدى. بۇل قاتتى جاڭبىردىڭ سالدارىنان بولۋى مٷمكٸن", – دەيدٸ بەيتەرەك اۋىلىنىڭ تۇرعىنى قۇرمانبەك ەسٸمبەكوۆ.
ٶڭٸردە اۋا رايىنا بايلانىستى ەسكەرتۋ جارييالاندى.
"سينوپتيكتەر جاۋىن-شاشىن نورمادان جوعارى بولادى دەگەن بولجام جاسادى. ونداي جاعدايدا تەرٸس-اششىبۇلاق سۋ قويماسىنان بۇدان دا جوعارى تەكشە سانتيمەتر سۋ شىعۋى مٷمكٸن. سول ارقىلى جامبىل وبلىسىنداعى 4 ەلدٸ مەكەندٸ سۋ باسۋ قاۋپٸ تٶنٸپ تۇر. وبلىسىمىزدا ورنالاسقان گيدروتەحنيكالىق قۇرىلىستاردىڭ تولتىرىلۋىنا كٷندەلٸكتٸ مونيتورينگ جٷرگٸزٸلٸپ وتىر", – دەدٸ تٶتەنشە جاعدايلار دەپارتامەنتٸ باسشىسىنىڭ مٸندەتٸن اتقارۋشى دارحان جاپاروۆ.
وبلىستىڭ بارلىق گيدروتەحنيكالىق قۇرىلىستارىنىڭ جالپى تولىمدىلىعى 87% قۇرايدى. جامبىل اۋدانىنىڭ قاۋٸپتٸ ۋچاسكەلەرٸن جۇمىس توبى زەرتتەدٸ. ساراپشىلار جەرگٸلٸكتٸ اتقارۋشى ورگاندارعا جاعالاۋدى نىعايتۋدى ۇسىندى. سونىمەن قاتار, شۋ, تالاس ٶزەندەرٸندەگٸ سۋ دەڭگەيٸنٸڭ جوعارىلاۋىنا بايلانىستى ولاردىڭ جانىندا ورنالاسقان 42 ەلدٸ مەكەندٸ سۋ باسۋ قاۋپٸ جوعارى. ٶڭٸردەگٸ سۋ قويمالارىنىڭ جاي-كٷيٸ مامانداردىڭ ەرەكشە باقىلاۋىنا الىندى.
