– Eshkimniń abyroıy men shenine qaramaý kerek. Barlyq sot otyrysy men tergeý barysynda alynǵan dálelder qoǵam nazarynda bolýy tıis, – deıdi ol.
Tóraǵanyń aıtýynsha, sońǵy ýaqytta jemqorlyq deregimen tanymal adamdar da qamaýǵa alynyp jatyr.
– Qarapaıym halyq quzyrly organdardyń bul qadamyn bastapqyda túsinbeı qalyp júrdi. Alaıda halyq tergeý jáne taldaý barysyndaǵy ashyqtyq pen dálelderdiń arqasynda ǵana bul qadamnyń durystyǵyn túsine bastady. Máselen, CentralAsiaMonitor jáne Radiotochka.kz saıttarynyń bas dırektory Bıgeldi Ǵabdýllın qamaýǵa alynǵan kezde qoǵam týra osylaı týlady. Jýrnalıser men keıbir áriptesterim onyń kinásiz ekendigin aıtyp, dálelderdi kórsetýimdi suraǵan bolatyn. Alaıda tergeý barysynda bári basqasha boldy. Ol kinásin moıyndady. Sot ashyq túrde ótti. Barlyq aıǵaq pen tergeý jumystarynyń nátıjeleri ashyq kórsetildi, – deıdi Q.Qojamjarov.
Sonymen qatar, agenttik tóraǵasy belgili akter Tuńǵyshbaı Jamanqulovtyń ustalýy da osyndaı pikir týdyrǵanyn aıta ketti.
«Bildeı Halyq ártisi osyndaı qadamǵa barady dep kim oılaǵan. Biz dálelderdi kórsetýimiz kerek», – dep atap ótti ol.
