– ەشكىمنىڭ ابىرويى مەن شەنىنە قاراماۋ كەرەك. بارلىق سوت وتىرىسى مەن تەرگەۋ بارىسىندا الىنعان دالەلدەر قوعام نازارىندا بولۋى ءتيىس، – دەيدى ول.
ءتوراعانىڭ ايتۋىنشا، سوڭعى ۋاقىتتا جەمقورلىق دەرەگىمەن تانىمال ادامدار دا قاماۋعا الىنىپ جاتىر.
– قاراپايىم حالىق قۇزىرلى ورگانداردىڭ بۇل قادامىن باستاپقىدا تۇسىنبەي قالىپ ءجۇردى. الايدا حالىق تەرگەۋ جانە تالداۋ بارىسىنداعى اشىقتىق پەن دالەلدەردىڭ ارقاسىندا عانا بۇل قادامنىڭ دۇرىستىعىن تۇسىنە باستادى. ماسەلەن، CentralAsiaMonitor جانە Radiotochka.kz سايتتارىنىڭ باس ديرەكتورى بيگەلدى عابدۋللين قاماۋعا الىنعان كەزدە قوعام تۋرا وسىلاي تۋلادى. جۋرناليستەر مەن كەيبىر ارىپتەستەرىم ونىڭ كىناسىز ەكەندىگىن ايتىپ، دالەلدەردى كورسەتۋىمدى سۇراعان بولاتىن. الايدا تەرگەۋ بارىسىندا ءبارى باسقاشا بولدى. ول كىناسىن مويىندادى. سوت اشىق تۇردە ءوتتى. بارلىق ايعاق پەن تەرگەۋ جۇمىستارىنىڭ ناتيجەلەرى اشىق كورسەتىلدى، – دەيدى ق.قوجامجاروۆ.
سونىمەن قاتار، اگەنتتىك ءتوراعاسى بەلگىلى اكتەر تۇڭعىشباي جامانقۇلوۆتىڭ ۇستالۋى دا وسىنداي پىكىر تۋدىرعانىن ايتا كەتتى.
«بىلدەي حالىق ءارتىسى وسىنداي قادامعا بارادى دەپ كىم ويلاعان. ءبىز دالەلدەردى كورسەتۋىمىز كەرەك»، – دەپ اتاپ ءوتتى ول.
